ოვანეს ხალატიანი

დაამთავრა ქ. პეტერბურგის პოლიტექნიკური ინსტიტუტი.

ინსტიტუტში სწავლის პერიოდში მუშაობდა ჯერ ჰესების დაგეგმარების ბიუროში პროფესორ ბ. ბახმეტევის ხელმძღვანელობით, შემდეგ, მდ. სირდარიის წყალსაცავის საძიებო სამუშაოების სამმართველოში; 1917-1918წწ. მუშაობდა აზერბაიჯანში კავკასიის სამმართველოში მყარი საწვავის საბადოების კვლევისა და ძიების განყოფილებაში; 1919-1921წწ. იყო საქართველოს და სომხეთის წყლის რესურსების გამოკვლევის კონცესიების წევრი; 1922-1929წწ. ზაჰესისა და რიონჰესის ჰიდროლოგიური სამსახურების ხელმძღვანელი; 1930-1982წწ. თბილჰიდროპროექტის მთავარი ჰიდროლოგი. შრომითი საქმიანობის განმავლობაში ხელმღვანელობდა საქართველოს ყველა ჰიდროენერგეტიკული ობიექტის ჰიდროლოგიურ გამოკვლევას. მისი არაერთი რაციონალიზატორული წინადადება იქნა დანერგილი ჰესების პროექტებში. განსაკუთრებული აღნიშვნის ღირსია შავი ზღვის სანაპირო ზოლის დეფორმაციების შესწავლის საველე-ექსპერიმენტული სამუშაოები. მიღებული აქვს სახელმწიფო ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.428

• შრომის წითელი დროშის ორდენი
• საქართველოს დამსახურებული ინჟინერი