ქრისტეფორე გიორგაძე

დაბადების ადგილი: ქ. ახალციხე.

დაამთავრა ახალციხის I ცხრაწლედი 1926 წელს; საქართველოს სამხატვრო აკადემიის ფერწერის ფაკულტეტი 1931 წელს; აკადემიის ასპირანტურა.

1931-1932წწ. იყო საბჭოთა მხატვრების კავშირის პასუხისმგებელი მდივანი; 1932-1937წწ. ამავე კავშირის სარევიზიო კომისიის თავმჯდომარე; 1934 წელს საქართველოს სამხატვრო აკადემიის ფერწერის ფაკულტეტის დოცენტი, შემდგომ დეკანი; 1938-1944წწ. საქართველოს საბჭოთა მხატვრების კავშირის გამგეობის თავმჯდომარე; მუშაობდა საქართველოს სურათების გალერიის დირექტორად; 1931 წლიდან მონაწილეობს გამოფენებში. შექმნა საქართველოს მრავალფეროვანი პეიზაჟების ამსახველი მრავალი ტილო, რომლებმაც თავის დროზე ფართო საზოგადეობის ყურადღება მიიქცია და საყოველთაო აღიარება ჰპოვეს.

წყარო: ხელოვნების უანგარო მსახური : მხატვარი ქ. გიორგაძე / ი. მაისურაძე // წითელი დროშა. - ახალციხე, 1973.-№ 37. - 27 მარტი