უჩა ცინდელიანი

დაბადების ადგილი: სოფელი ნაკრა, მესტიის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი, კავკასიური ენების განხრით 1960 წელს.

1960 მუშაობა დაიწყო საქართველოს მეცნიერებათა აკადემიის კ. კეკელიძის სახელობის ხელნაწერთა ინსტიტუტში ჯერ ლაბორანტად, შემდეგ მეცნიერ-მუშაკად, 1973 წლიდან უფროს მეცნიერ მუშაკად; ხანგრძლივი დროის მანძილზე იკვლევდა ძვ. აღთქმის ქართული თარგმანების შედარებით ფილოლოგიურ შედეგებს; გამოქვეყნებული აქვს 23 სამეცნიერო ნაშრომი. იკვლევდა საერთო ქართველურ ფუძეებსა და ძველ-ქართულ ლექსიკას; მონაწილეობდა ძვ. ქართული ძეგლების სიმფონიის მასალების დამუშავებასა და გამოსაცემად მომზადებაში; მონაწილეობდა ფოლკლორულ ექსპედიციებში; 1998 წელს გამოსცა წიგნი "ბიბლიის ენციკლოპედია"; ლექციებს კითხულობდა სულხან-საბა ორბელიანის პედაგოგიურ და თბილისის სახელმწიფო სამედიცინო ინსტიტუტებში. გამოჩენილი მეცნიერი და მკვლევარი, ფილოლოგიურ მეცნიერებათა დოქტორი, პროფესორი.

საკანდიდატო დისერტაციის თემა - "მეფეთა პირველი ორი წიგნის რედაქციები".

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.429

• ბიბლიის ენციკლოპედია (ავტორი). - თბილისი, საქართველოს წარმომადგენლობა, 1998. - 352გვ.. - ISBN: 99928-13-00-8
• სვანური ზღაპრები (ავტორი). - თბილისი, ნაკადული, 1991. - 144გვ.