მამული ჯიბლაძე

დაბადების ადგილი: ჩოხატაური.

დაამთავრა საქართველოს პოლიტექნიკური ინსტიტუტი სპეციალობით "ნავთობისა და გაზის ჭაბურღილების ბურღვა" 1956 წელს.

1956-1960წწ. - "საქნახშირძიების" გეოლოგიურ პარტიებში მბურღავი, ბურღვის ოსტატი, უბნის უფროსი; 1960-1962წწ. - საქართველოს აკადემიის სამთო საქმის ინსტიტუტის ნავთობის ტექნოლოგიის ლაბორატორიაში ინჟინერი; 1963 წლიდან - "საქნავთობის" სისტემაში სუფსის ნავთობის საძიებო უბნის ინჟინერი, კოლხიდის ბურღვის კანტორის მთავარი ინჟინერი; 1970-1975წწ. - ტრესტ "საიუზბურგაზის" ამიერკავკასიის ღრმა ბურღვის ექსპედიციის მთავარი ინჟინერი; 1975 წელს - "საქნავთობის" სისტემაში წითელწყაროს ბურღვის კანტორის მთავარი ინჟინერი; 1975-1977წწ. - აღმოსავლეთ საქართველოს ბურღვის სამმართველოს რაიონული ტექნოლოგიური სამსახურის უფროსი; 1977-1980წწ. - დასავლეთ საქართველოს საძიებო ბურღვის სამმართველოს უფროსი; 1984-1987წწ. - ალჟირში ენერგეტიკის სამინისტროს სამრეწველო უსაფრთხოების დირექციაში მთავარი ინჟინერი ბურღვის დარგში. საქართველოში დაბრუნების შემდეგ, 1987-2000წწ. - "საქნავთობის" მილების საამქროს უფროსი. დაჯილდოებულია საბჭოთა კავშირის ნავთობის მრეწველობის სამინისტროს და ალჟირში საბჭოთა საელჩოს მიერ საპატიო სიგელებით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.454

• საქართველოს ნავთობისა და გაზის მრეწველობის საპატიო მუშაკი