გიორგი ჯაფოშვილი

დაამთავრა თბილისის სულხან საბა ორბელიანის სახელობის პედაგოგიური უნივერსიტეტი (ამჟამად ილიას სახ. უნივერსოტეტი) 1993 წელს; 1997 წელს საქართველოს ეროვნული მეცნეირებათა აკადემიის ზოოლოგიის ინსტიტუტის ასპირანტურა; 1999 წელს დაიცვა საკანდიდატო დისერტაცია მეცნიერებათა აკადემიის ზოოლოგიის ინსტიტუტის სამეცნიერო საბჭოზე თემაზე - "თბილისის შემოგარენის კოქციდების, ალეიროდიდებისა და ფსილიდების პარაზიტული ქალციდები".

1992 წლიდან მუშაობს ზოოლოგიის ინსტიტუტში; 2006 წელს გახდა ენტომოლოგიისა და ბიოკონტროლის მიმართულების ხელმძღვანელი; 2011 წლიდან შეუერთდა საქართველოს აგრარულ უნივერსიტეტს, ამავე სახელწოდების კვლევითი ცენტრის სახელით და დღემდე არის აგრარული ფაკულტეტის სრული პროფესორი; 2013 წლიდან ენტომოლოგიის ინსტიტუტის ხელმძღვანელია, რომლის შემადგენლობაშიც გაერთიანდნენ ყოფილი მეაბრეშუმეობისა და მეფუტკრეობის ინსტიტუტები. გამოქვეყნებული აქვს 200-ზე მეტი სამეცნიერო პუბლიკაცია, წიგნის თავი და მონოგრაფია; აღწერილი აქვს მეცნიერებისათვის ახალი 70-ზე მეტი მწერის სახეობა. ზოოლოგი (ენტომოლოგი).

წყარო: საქართველოს აგრარული უნივერსიტეტი ილია: agruni.edu.ge

• უხერხემლოთა კვლევის ცენტრი, თავმჯდომარე (2012-)