პეტრე კაჭარავა

დაბადების ადგილი: ქ. ქუთაისი.

დაამთავრა საქართველოს სასოფლო-სამეურნეო ინსტიტუტი 1930 წელს.

ომის დაწყებისთანავე გაიწვიეს საბჭოთა არმიაში და ომის დამთავრებამდე იმყოფებოდა ბრძოლის წინა პოზიციებზე. იბრძოდა ყირიმში, ჩრდილოეთ კავკასიაში, ბელორუსიაში, დაწინაურდა ასეულის მეთაურის თანამდებობებზე. 1946 წელს დემობილიზაციით დაუბრუნდა პედაგოგიურ-სამეცნიერო მოღვაწეობას. მუშაობა დაიწყო სასოფლო-სამეურნეო ინსტიტუტის მეხილეობის კათედრაზე დოცენტად და სკრის მეხილეობის საცდელ სადგურში აგროტექნიკის განყოფილების გამგედ. 1948 წელს დაინიშნა სკრის საცდელი სადგურის დირექტორად. 1961 წელს დაიცვა დისერტაცია სოფლის მეურნეობის მეცნიერებათა დოქტორის სამეცნიერო ხარისხის მოსაპოვებლად. 1963 წელს გახდა პროფესორი. თავისი ხანგრძლივი პედაგოგიური და სამეცნიერო მოღვაწეობის პერიოდში აღზარდა მრავალი სპეციალისტი. მისი ხელმძღვანელობით დისერტაცია დაიცვა 15-ზე მეტმა მეცნიერმუშაკმა და ასპირანტმა. იგი ავტორია 80-მდე სამეცნიერო შრომისა, მათ შორის სახელმძღვანელოსი. 

წყარო: ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 55-56; საქართველო: ენციკლოპედია: ტ. IV. -თბ., 2018. -გვ.579

• მედალი "კენიგსბერგის აღებისთვის"
• მედალი "გერმანიაზე გამარჯვებისთვის"
• მედალი "კავკასიის დაცვისთვის"
• მედალი "საბრძოლო დამსახურებისთვის"
• წითელი ვარსკვლავის ორდენი
• საპატიო ნიშნის ორდენი
• საქართველოს მეცნიერებათა დამსახურებული მოღვაწე

• ხილის მოსავლის გადიდების გზები საქართველოში (ავტორი). - თბილისი, 1970. - 31გვ.