ივანე კვეკვესკირი

დაბადების ადგილი: სოფელი ცხირგალი, გალის რაიონი.

დაამთავრა სოხუმის პედაგოგიური ტექნიკუმი 1928 წელს; მოსკოვის მარქსიზმ-ლენინიზმის ინსტიტუტის თბილისის ფილიალი.

სწავლის დამთავრების შემდეგ იდეოლოგიუერ მუშაობას ეწეოდა გალისა და გუდაუთის რაიონებში; 1927-1928წწ. მუშაობდა გალის რაიონის ზემო ბარდღებში საშუალო სკოლის დირექტორად; 1931-1938წწ. იყო საქართეელოს კომუნისტური პარტიის გალის რაიკომის კულტურისა და პროპაგანდის განყოფილების გამგე, 1938-1941წწ. საქართველოს კომპარტიის გუდაუთის რაიკომის პირველი მდივანი; 1941 წლის ივნისში, საბჭოთა კავშირის დიდი სამამულო ომის დაწყებისთანავე, დაჯავშნის მიუხედავად, მოხალისედ წავიდა წითელ არმიაში და 1945 წლამდე თავდადებით იბრძოდა ფაშისტების წინააღმდეგ; მან აქტიური მონაწილეობა მიიღო კურსკის, ორიოლის, ჩერნიგოვის, ლუცკის, სანდომირის, ოდესის, ბრესლავის და ბევრი სხვა ქალაქისა და დასახლებული პუნქტის გერმანელი დამპყრობლებისაგან განთავისეფლებაში; 1946 წელს კაპიტნის წოდებით დემობილიზებული დაბრუნდა სამშობლოში და შეუდგა მეცნიერულ-პედაგოგიურ მოღვაწეობას; 1950 წელს ლენინგრადის ჟდანოვის სახელობის სახელმწიფო უნივერსიტეტში წარმატებით დაიცვა დისერტაცია ისტორიის მეცნიერებათა კანდიდატის სამეცნიერო ხარისხის მოსაპოვებლად; მიენიჭა დოცენტის წოდება. იგი ათეული წლების მანძილზე ლექციებს კითხულობდა საქართველოს პოლიტექნიკურ და სოხუმის გორკის სახელობის სახელმწიფო პედაგოგიურ ინსტიტუტებში, ეწეოდა ნაყოფიერ მეცნიერულ-კვლევით მუშაობას. გამოაქვეყნებული აქვს 70-ზე მეტი სამეცნიერო ნაშრომი. დაჯილდოეებული იყო ორდენებით და I7 მედლით.

წყარო: ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 58-60

• მედალი "გერმანიაზე გამარჯვებისთვის"
• შრომის ვეტერანი
• მედალი "მხედრული მამაცობისთვის"
• მედალი "სტალინგრადის დაცვისთვის"
• სამამულო ომის I ხარისხის ორდენი
• სამამულო ომის II ხარისხის ორდენი
• წითელი ვარსკვლავის ორდენი