ნაირა ბეპიევი

არის ივანე ჯავახიშვილის სახელობის თბილისის სახელმწიფო უნივერსიტეტის პროფესორი, ამავე უნივერსიტეტის ქართულ-ოსურ ურთიერთობათა სამეცნიერო-კვლევითი ცენტრის ხელმძღვანელი, საქართველოს საზოგადოებრივი მაუწყებლის ოსურენოვანი "მოამბის" რედაქტორი, ასევე ოსური ენის, კულტურის, ისტორისა და ფოლკლორის შესახებ მრავალი გამოცემისა და პუბლიკაციის ავტორი. მისი ინიციატივით და ძალისხმევით ივანე ჯავახიშვილის სახელობის თბილისის სახელმწიფო უნივერსიტეტის ქართულ-ოსურ ურთიერთობათა სამეცნიერო-კვლევითი ცენტრი 2015 წლიდან ყოველწლიურად ატარებს საერთაშორისო კონფერენციებს ქართულ-ოსური ურთიერთობების შესახებ, რომელშიც მონაწილეობას ღებულობენ სხვადასხვა ქვეყნების სამეცნიერო წრეების წარმომადგენლები, მათ შორის სამხრეთ ოსეთის წარმომადგენლები. ნაირა ბეპიევს უმნიშვნელოვანესი და ფასდაუდებელი წვლილი შეაქვს ქართული და ოსური სამეცნიერო წრეების წარმომადგენელთა დიალოგში. სამეცნიერო და საზოგადოებრივი ცხოვრების პარალელურად, ადვოკატირებას უწევს ოსური თემისთვის მნიშნელოვანი საკითხებს განათლების, კულტურის, მედიის, ადამიანის უფლებების დაცვის, ჯანდაცვისა და სხვა საკითხებში. ქართული და ოსური საზოგადოების თვალსაჩინო წარმომადგენელი. ფილოლოგიის დოქტორი.

წყარო: ივანე ჯავახიშვილის სახელობის თბილისის სახელმწიფო უნივერსიტეტი: tsu.ge; საერთო ფასეულობები ქართველებსა და ოსებს შორის ნდობის აღსადგენად / პაატა გაჩეჩილაძე, კობა ჩოფლიანი.-თბ.,2022.-გვ.49

• არასამთავრობო ორგანიზაცია "კავკასიური მოზაიკა", თავმჯდომარე
• სა­ხალ­ხო დამ­ცველ­თან არ­სე­ბუ­ლი ერ­ოვ­ნულ უმ­ცი­რე­სო­ბა­თა საბ­ჭო, დამსახურებული წევრი

• 2021 - ღირსების ორდენი
• 2020 - ტო­ლე­რან­ტო­ბის ქო­მა­გი
  ეთ­ნი­კუ­რი და რე­ლი­გი­ური უმ­ცი­რე­სო­ბე­ბის უფ­ლე­ბე­ბის დაც­ვის და ტო­ლე­რან­ტო­ბის კულ­ტუ­რის დამ­კვიდ­რე­ბის ხელშეწყობისათვის

• ქალი ქართულსა და ოსურ ფოლკლორში : მონოგრაფია (ავტორი). - თბილისი, უნივერსალი, 2022
• ქართული პოეზია : ანთოლოგია [ოსურ ენაზე] (შემდგენელი). - თბილისი, უნივერსალი, 2022. - 280გვ.
• ქართულ-ოსური ილუსტრირებული ლექსიკონი = Гуырдзиаг-Ирон иллюстрацигонд дзырдуат (ავტორი). - თბილისი, უნივერსალი, 2022. - 68გვ.
• ქართულ-ოსური ურთიერთობები = Гуырдзиаг-ирон ӕмахастытӕ = Georgian-Ossetian Relations : წიგნი-ალბომი (შემდგენელი). - თბილისი, უნივერსალი, 2020. - 166გვ.