სოფიკო იაშვილი

დაბადების ადგილი: სოფელი ახალსოფელი, ყვარლის რაიონი.

ქართულ ცეკვებს სწავლობდა თბილისის პიონერთა და მოსწავლეთა სასახლის ქორეოგრაფიულ წრეში, სადაც მისი პედაგოგები იყვნენ ანტონ ჩიხლაძე და რომან ჭოხონელიძე; შემდგომ ცეკვა განაგრძო საქართველოს ახალგაზრდულ ქართული ცეკვის თვითმოქმედ ანსამბლში ქორეოგრაფ გიორგი (ბუხუტი) დარახველიძის ხელმძღვანელობით; 1957 წელს ანსამბლთან ერთად ის მონაწილეობას იღებდა ახალგაზრდობის და სტუდენტთა მოსკოვის მე-6 მსოფლიო ფესტივალში და ამ ფესტივალის ლაურეატი გახდა; 1959-1960წწ. ს. იაშვილი მოცეკვავე-მსახიობად მუშაობდა საქართველოს ხალხური ცეკვისა და სიმღერის სახელმწიფო ანსამბლში (მთ. ქორეოგრაფი ჯ. ბაგრატიონი); მისთვის, როგორც მოცეკვავისთვის, ყველაზე ნაყოფიერი გამოდგა საქართველოს ხალხური ცეკვის სახელმწიფო აკადემიურ ანსამბლში მუშაობა, სადაც იგი 1960 წელს ნ. რამიშვილმა და ი. სუხიშვილმა მიიღეს; ამ ანსამბლში ჩამოყალიბდა ს. იაშვილი პროფესიონალ მოცეკვავედ და ერთ-ერთ წამყვან სოლისტად; მაყურებელს ხიბლვდა მის მერ შესრულებული "სამაია", "ქართული", "სიმდი" და სხვა ცეკვები; 1984 წლიდან ს. იაშვილი ნაყოფიერ პედაგოგიურ მოღვაწეობას ეწეოდა ი. სუხიშვილის სახელობის ქართული ცეკვის სახელმწიფო სკოლა - სტუდიაში.

წყარო: საიუბილეო თარიღები : თეატრი, მუსიკა, კინო .- თბ.,2008.- გვ.11

• 1967 - საქართველოს დამსახურებული არტისტი