ეფროსინე ნიკოლაძე-ჭიჭინაძე

დაბადების ადგილი: ქ. ქუთაისი.

ეფროსინე ნიკოლაძე დაიბადა იმ დროს ცნობილი მეწარმის იაკობ ნიკოლაძის ოჯახში. დაამთავრა ქუთაისის წმინდა ნინოს სახელობის ქალთა სასწავლებელი. 1884-1885 წლებში ეფროსინემ თავის დებთან, ანასტასიასთან და ეკატერინესთან ერთად ქუთაისში კერძო სკოლა დააარსა. 1880-იან წლებში, დები ნიკოლაძეები  მონაწილეობას იღებდნენ ქუთაისის საზოგადოებრივ-კულტურულ და საგანმანათლებლო საქმიანობაში; ეწეოდნენ ლიტერატურულ საქმიანობას, ძირითადად, თარგმნიდნენ, ატარებდნენ ლიტერატურულ საღამოებს. ეფროსინე ნიკოლაძე ცნობილი პედაგოგისა და საზოგადო მოღვაწის ალექსი ჭიჭინაძის მეუღლე, 1937 წელს დახვრეტილი ჰიდროინჟინრისა და საზოგადო მოღვაწის, ბესარიონ ჭიჭინაძის დედა. იაკობ ნიკოლაძის ქალიშვილი, ნიკო ნიკოლაძის და. ეფროსინე ნიკოლაძის გარდაცვალების თარიღი უცნობია.

წყარო: ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.556

• ქართველთა შორის წერა-კითხვის გამავრცელებელი საზოგადოების ხონის განყოფილება, ნამდვილი წევრი (1911-)

• დრამები და კომედიები (მთარგმნელი). - ტფილისი, გამ-ბა და სტ. "სორაპანი", 1911. - 249გვ.