ბესარიონ მჭედლიშვილი

დაბადების ადგილი: ქ. თბილისი.

1966–1967 წლებში თბილისის "ლოკომოტივშია"; 1968–1969წწ. სარანსკის "სპარტაკში" თამაშობს; 1969 წლიდან თბილისის "დინამოშია", სადაც შვიდი სეზონის განმავლობაში ასპარეზობს; საბჭოთა კავშირის ჩემპიონატის ორგზის ბრინჯაოს პრიზიორი (1971, 1972) და საბჭოთა კავშირის თასის ფინალისტი (1970) თბილისის "დინამოს" შემადგენლობაშია; 1973 წელს თბილისის "დინამოს" შემადგენლობაში საერთაშორისო ამხანაგური საფეხბურთო ტურნირის ე. წ. "კარაველას თასის" ტროფეო კოლომბინოს გამარჯვებული ხდება, სადაც ტურნირის ფინალში თბილისის "დინამოელები" ლისაბონის "ბენფიკას" ანგარიშით 3–1 ამარცხებენ; ის თბილისის "დინამოს" შემადგენლობაში საკავშირო ჩემპიონატების უმაღლესი ლიგის 58 მატჩს ატარებს და ხუთჯერ იღებს მეტოქეთა კარს. ქვეყნის პირველობის გარდა "დინამოელთა" რიგებში საბჭოთა კავშირის თასის გათამაშების 10 შეხვედრაში მონაწილეობს და 3 ბურთი გააქვს. საკავშირო თასისთვის გამართულ შეხვედრათა ფარგლებში პირველად თბილისის "ლოკომოტივის" წინააღმდეგ გამოდის მოედანზე. თბილისის "დინამოდან" წასვლის შემდეგ ლანჩხუთის "გურიაში" აგრძელებს თამაშს. საფეხბურთო კარიერას ამავე კლუბში 1977 წელს ასრულებს. ნახევარმცველი.

წყარო: "დინამო" თბილისი: web.archive.org

• 1974 - სსრკ სპორტის ოსტატი