ნოდარ გიორგაძე

დაბადების ადგილი: ქ. თბილისი.

ქართული ცეკვების ხელოვნებას ამიერკავკასიის რკინიგზის ბავშვთა მხატვრული აღზრდის სახლში ცნობილ პედაგოგსა და ქორეოგრაფ მ. ბახტაძესთან ეზიარა. 1950 წელს პერსპექტიული ახალგაზრდა მოცეკვავე ჯ. ბაგრატიონმა აფხაზეთის სახელმწიფო საესტრადო ორკესტრში მიიღო ქართული ცეკვების შემსრულებლად. 1952-1970წწ. ნ. გიორგაძე, როგორც მოცეკვავე-მსახიობი აქტიურ და ნაყოფიერ მუშაობას ეწევა საქართველოს ხალხური ცეკვის სახელმწიფო ანსამბლში ი. სუხიშვილისა და ნ. რამიშვილის ხელმძღვანელობით. აქ გაიარა მან მოცეკვავის რთული, პროფესიული სკოლა და ქართული ცეკვების დახვეწილ შემსრულებლად ჩამოყალიბდა. დაკავებული იყო ანსამბლის რეპერტუარის ყველა საცეკვაო ნომერში, ინტესიურად  მონაწილეობდა ანსამბლის ტრიუმფალურ საგასტროლო მოგზაურობაში.

წყარო: საიუბილეო თარიღები: თეატრი, მუსიკა, კინო.- თბ., 2008.- გვ.134

• 1967 - საქართველოს დამსახურებული არტისტი
• 1958 - მედალი "შრომითი წარმატებისთვის"
  მოსკოვში გამართულ საქართველოს ლიტერატურისა და ხელოვნების დეკადაზე გამოსვლისათვის