თინათინ ქაროსანიძე

დაამთავრა თბილისის აზიისა და აფრიკის ინსტიტუტის საერთაშორისო ურთიერთობებისა და აღმოსავლეთის ქვეყნების ისტორიის ფაკულტეტი (არაბული ენა) 1999 წელს; 1991-1992 წლებში სწავლობდა სამეცნიერო საგანმანათლებლო ცენტრ "მსოფლიო ლაბორატორიაში"; 1998-1999წწ. გაიარა არაბული ენისა და ლიტერატურის კურსი არაბული ენის შემსწავლელი ცენტრის "ვაფიდინის სკოლაში" კაიროში (ეგვიპტე); 1998-1999წწ. წლებში არაბულის ენის შესწავლა გააგრძელა კაიროს უნივერსიტეტში; 1999-2000წწ. ფულბრაითის სტიპენდიით აშშ-ში გაიარა კურსი "ამერიკის საკანონდებლო სისტემა"; 2005 წელს გაიარა IATP-ის დისტანციური სწავლების კურსი "სამხრეთ კავკასია და ახლო აღმოსავლეთი" (IREX, თბილისი).

სხვადასხვა დროს მუშაობდა გ. წერეთლის აღმოსავლეთმცოდნეობის ინსტიტუტში აზიისა და აფრიკის ქვეყნების ახალ და უახლეს განყოფილებაში, აზიისა და აფრიკის ინსტიტუტში, ერაყის რესპუბლიკის საელჩოში საქართველოში; სხვადასხვა დროს იყო ეგვიპტის დსთ-ის და აღმოსავლეთ ევროპის ქვეყნებათნ ტექნიკური თანამშრომლობის მიერ ორგანიზებული არაბული ენის კურსი არაბული ენის ლექტორებისა და პროფესორებისთვის (კაიროს უნივერსიტეტი, ეგვიპტე); 2014 წლიდან არის თბილისის თავისუფალი უნივერსიტეტის საერთაშორისო ურთიერთობების სკოლის დეკანი, პროფესორი; 2014 წელს Carnegie Endwoment გრანტის ფარგლებში იყო ჰოპკინსის SAIS მოწვეული მკვლევარი (აშშ); აზიისა და აფრიკის ინსტიტუტის მკვლევარი; მის მიერ წასაკითხი სასწავლო კურსებია: არაბული ენა, ახლო აღმოსავლეთის რელიგიები, რელიგია მსოფლიო პოლიტიკაში, საერთაშორისო ტერორიზმი და უსაფრთხოება, რელიგია და საერთაშორისო ურთიერთობები, პოლიტიკური და სოციალური თეორიები, საერთაშორისო ურთიერთობები და უსაფრთხოება. არაბისტი, ტერორიზმის მკვლევარი.
საკანდიდატო დისერტაციის თემა - "ისლამური ფუნდამენტალიზმი თანამედროვე ეგვიპტის პოლიტიკაში: "მუსლიმი ძმების" და სხვა რადიკალური ისლამური ორგანიზაციების სტრატეგია" და მიენიჭა კანდიდატის ხარისხი მსოფლიო ისტორიაში 2006 წელს.

წყარო: თავისუფალი უნივერსიტეტი: freeuni.edu.ge; თავისუფალი უნივერსიტეტი: web.archive.org

• ღირსების ორდენი

• ისლამური ფუნდამენტალიზმი თანამედროვე ეგვიპტეში: "მუსლიმი ძმების" და რადიკალური ისლამური ორგანიზაციების სტრატეგია = Islamic fundamentalism in contemporary Egypt: strategy of "Muslim Brothers" and of radical islamic organizations (ავტორი). - თბილისი, ნეკერი, 2009. - 380გვ.. - ISBN: 9789941436703