მარიამ კანდელაკი

დაბადების ადგილი: ქ. თბილისი.

დაამთავრა თბილისის შოთა რუსთაველის სახელობის თეატრისა და კინოს სახელმწიფო ინსტიტუტის ანიმაციის ფაკულტეტი 1994 წელს; სწავლობდა ლიუბეკის (გერმანია) ანიმაციის ტელევიზიის ბიზნეს სკოლაში (2001).

ცხოვრობს და მუშაობს ბერლინში. ბერლინში, "ჰანფილმში", ანიმაციური ფილმების სტუდიაში საქმიანობს, არის საერთაშორისო პროექტების მონაწილე და ავტორი არაერთი ანიმაციური ფილმისა; მონაწილეობდა ჰალეში (გერმანია) ჩატარებული ევროპული ანიმაციის მასტერკლასებში (2002); მისი ნამუშევრები არაერთხელ დაუჯილდოვებიათ საერთაშორისო ფესტივალებზე; მის მიერ მიღებულ ჯილდოებს შორისაა რეკლამების საერთაშორისო ფესტივალზე მიღებული პირველი პრიზი (რეჟისურა, 2000, კიევი / უკრაინა); რეკლამების კავკასიური საერთაშორისო ფესტივალის პრიზი საუკეთესო კრეატიული იდეისთვის (რეჟისურა, 2001, თბილისი / საქართველო); მედიის საერთაშორისო ფესტივალის პრიზი (რეჟისურა, 2002, ბაქო / აზერბაიჯანი); მისი ნამუშევარი: "ბედნიერება" ("Felicita") განსაკუთრებულად აღინიშნა ვენეციის 66-ე კინოფესტივალზე (აღმასრულებელი პროდიუსერი, 2009, ვენეცია, იტალია). რეჟისორ-ანიმატორი, თეატრის, ტელევიზიისა და კინოს მხატვარი, პროდიუსერი. "ევროპის ანიმაციის ჯილდოს" საორგანიზაციო კომიტეტის მიერ არჩეულია საქართველოში ელჩად; ნიქოზის ანიმაციური ფილმების საერთაშორისო ფესტივალის ორგანიზატორი.

წყარო: პროექტი Reverse Brain Drain: rebraindrain.wordpress.com; რადიო თავისუფლება: radiotavisupleba.ge