ბიძინა კიკაჩეიშვილი

დაბადების ადგილი: ქ. სამტრედია.

დაამთავრა ხელოვნების სტუდია ქ. ხარკოვში 1938  წელს. 

1932 წლიდან მონაწილეობდა სამტრედიის რკინიგზის მუშათა კლუბის სცენისმოყვარეთა დასის წარმოდგენებში. II მსოფლიო ომის შემდგომ წლებში ხელმძღვანელობდა სამტრედიის რკინიგზელთა კლუბთან არსებულ სახალხო თეატრს. 1965 წლიდან იყო მასწავლებელთა სახლის დრამატული წრის ხელმძღვანელი. მის მიერ დადგმული სპექტაკლებია: ჰ. ჰაჯიბეკოვის "არშინ მალ-ალან", გ. ნახუცრიშვილის "ცეცხლის ხაზზე", ი. მოსაშვილის "ჩაძირული ქვები", ი. ჭავჭავაძის "გლახის ნაამბობი" და "ოთარაანთ ქვრივი", ა. აფხაიძის "დაიბრუნეთ თქვენი ახალგაზრდობა". მისი დადგმებიდან აღსანიშნავია პ. კაკაბაძის "ყვარყვარე თუთაბერი" (1958). სპექტაკლის რესპუბლიკურ კონკურსში გამარჯვების შემდეგ სამტრედიის დრამატულმა წრემ სახალხო თეატრის წოდება მიიღო. დაჯილდოებულია დიპლომებითა და სიგელებით. თეატრის რეჟისორი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ. 25

• საქართველოს ხელოვნების დამსახურებული მოღვაწე