ავთანდილ კიკნაველიძე

დაბადების ადგილი: სოფელი საკრაულა, ახლანდელი ბაღდათის მუნიციპალიტეტი.

დაამთავრა თბილისის სახელმწიფო სამხატვრო აკადემიის ქანდაკების ფაკულტეტი 1958 წელს.

1960 წლიდან მონაწილეობდა სამხატვრო გამოფენებში.  ნამუშევრები: "ქალიშვილის პორტრეტი" (1964), "ლუიზა" (1965), "მიხაი ზიჩი" (1966), "ჭაბუკის პორტრეტი" (1978), "მოჭიდავის პორტრეტი" (1982), "ბორის პაიჭაძე" (1995) და სხვა გამოფენები: საქართველოს ახალგაზრდა მხატვრების (1965, 1966, 1967, თბილისი), ამიერკავკასიის რესპუბლიკების ახალგაზრდა მხატვართა ხელოვნება (1971, მოსკოვი), თანამედროვე ქართული ქანდაკება (1974, თბილისი), ქართული სახვითი ხელოვნება (1980, ლენინგრადი), საქართველოს სსრ სახვითი ხელოვნება (1987, მოსკოვი), სპორტი ქართულ სახვით ხელოვნებაში (1999, თბილისი) და სხვ. მისი ნამუშევრები დაცულია დ. შევარდნაძის სახელობის ეროვნულ გალერეაში, ზესტაფონისა და ხარაგაულის მხარეთმცოდნეობის მუზეუმებში.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ. 27

• 1985 - საქართველოს დამსახურებული მხატვარი