ირაკლი ფერაძე

დაბადების ადგილი: ქ. გორი.

დაამთავრა თბილისის სახელმწიფო უნივერსიტეტის ისტორიული ფაკულტეტი 1927 წელს.

სწავლის პერიოდში იგი სწავლას უთავსებდა შრომით საქმიანობას; 1931 წლიდან გარდაცვალებამდე იგი თბილისშია და სხვადასხვა დროს მუშაობდა: ამიერკავკასიის მცენარეთა დაცვის ტექნიკუმის დირექტორის მოადგილედ სასწავლო ნაწილში, საფეიქრო სასწავლებლის დირექტორის მოადგილედ, მსუბუქი მრეწველობის სახალხო კომისარიატის სასწავლო დაწესებულებათა სამმართველოს უფროსად, თბილისის 59-ე საშუალო სკოლის დირექტორად, სტალინის რაისაბჭოს აღმასკომის განათლების განყოფილების გამგედ; არჩეული იყო რაიონული საბჭოს დეპუტატად, პარტიის რაიკომის წევრად; 1950 წლიდან მუშაობას იწყებს თბილისის მანქანათმშენებლობის ტექნიკუმში ისტორიის მასწავლებლად. მიღებული ჰქონდა სახელმწიფო ჯილდოები. გამოქვეყნებული აქვს მონოგრაფია: "ელექტროტექნიკის საფუძვლები". გამოჩენილი პედაგოგისა და საზოგადო მოღვაწის ილია ფერაძის შვილი, გიორგი და ბიძინა ფერაძეების ძმა.

წყარო: მწერალ ილია ფერაძის მიერ მოწოდებული ბიოგრაფიული მონაცემები.

• საპატიო ნიშნის ორდენი
  ხანგრძლივი და ნაყოფიერი პედაგოგიური მოღვაწეობისთვის
• საქართველოს დამსახურებული მასწავლებელი