ნოდარ კილაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1959 წელს.

1954 წლამდე იყო სამხედრო სამსახურში. 1960–2010წწ. მუშაობდა საქართველოს მეცნიერებათა აკადემიის ელექტრონიკის, ავტომატიკისა და ტელემექანიკის ინსტიტუტში (2010 წლიდან – სტუ-ის ა. ელიაშვილის სახ. მართვის სისტემების ინსტიტუტი). 1978 წლიდან იყო ამ ინსტიტუტის მთავარი მეცნიერი თანამშრომელი. 1963 წლიდან ელექტრონულ მოწყობილობათა განყოფილების გამგე. პარალელურად (1968–1972) მუშაობდა აბასთუმნის ასტროფიზიკურ ობსერვატორიაში. მისი სამეცნიერო კვლევის სფეროა ინფორმაციის გარდამსახი სისტემების დამუშავება და შექმნა, კომპიუტერში შეყვანილი ქართული ტექსტების ხმოვან ფორმატში პროგრამული გადაყვანა, საფრენი აპარატების ფრენისას შექმნილი ავარიული სიტუაციების პროგრამული ანალიზი და ვიზუალიზაცია. იყო მეორე მსოფლიო ომის (1939–1945) მონაწილე. მიღებული აქვს სამთავრობო ჯილდოები. გამოთვლითი ტექნიკისა და ინფორმატიკის სპეციალისტი. ტექნიკის მეცნიერებათა კანდიდატი (1977). 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 39

• 1985 - საქართველოს სახელმწიფო პრემიის ლაურეატი