მერაბ კოკაია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ბიოლოგიის ფაკულტეტი ბიოფიზიკის სპეციალობით 1978 წელს.

სამეცნიერო კვლევა დაიწყო ი. ბერიტაშვილის სახელობის ფიზიოლოგიის ინსტიტუტში; გაცვლითი პროგრამით გაემგზავრა შვედეთში; 1986–1987წწ. ლუნდის უნივერსიტეტში მუშაობდა ნერვული უჯრედების ტრანსპლანტაციაზე ეპილეფსიის ცხოველურ მოდელებში; 1998 წლიდან იყო ამავე უნივერსიტეტის თანამშრომელი ექსპერიმენტულ ნევროლოგიაში; 2006 წლიდან ვალენბერგის ნევროლოგიის ცენტრში (შვედეთი) ექსპერ. ეპილეფსიის კვლევითი ლაბორატორიის გამგე; 2013 წლიდან ეპილეფსიის ცენტრის დირექტორი; 2013–1918წწ. დიდი კოლაბორაციული ევროპული კომისიის მიერ დაფინანსებული პროექტის EPITARGET კოორდინატორი ეპილეფსიის კვლევაში; 2011 წლიდან ილიას სახელობის სახელმწიფო უნივერსიტეტის მოწვეული პროფესორი; მისი სამეცნიერო კვლევები გამოქვეყნებულია საერთაშორისი სამეცნიერო ჟურნალებში (Neuron, PNAS, Brain, J. Neurosci., J Clin. Inv., Neurobiol. Dis., Gene Therapy, PLOS ONE, Hippocampus, Molecular Therapy და სხვა). მიღებული აქვს პატენტები აშშ-ში [ნუკლეინის მჟავების თანამიმდევრობათა გამოყენება ნევროლოგიური და ფსიქიატრიული დაავადებების დროს, ვექტორები და ნაერთები (2014); ნუკლეინის მჟავების თანამიმდევრობათა გამოყენება ეპილეფსიის მკურნალობაში (2014); ცერებრული იშემიისა და ცერებრული დაზიანების მკურნალობა ნეიროპროტექტორული აგენტებით (1999)]. ფიზიოლოგიის მეცნიერებათა დოქტორი (1991), პროფესორი (2008).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 113