ვლადიმერ კორთხონჯია

დაბადების ადგილი: ქ. სენაკი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1958 წელს.

1958 წლიდან მუშაობდა საქართველოს მეცნიერებათა აკადემიის ფიზიკის ინსტიტუტში (2006 წლიდან – თბილისის სახელმწიფო უნივერსიტეტის ე. ანდრონიკაშვილის ფიზიკის ინსტიტუტი); 1975–1980წწ. იყო ინსტიტუტის დირექტორის მოადგილე სამეცნიერო ნაწილში; მისი სამეცნიერო მოღვაწეობის ძირითადი სფეროა წყალში მავთულის აფეთქების კვლევა მასში ძლიერი დენის გატარებისას, ამ პროცესის შედეგად ინიცირებული ეგზოთერმული ქიმიური რეაქციის პროდუქტებისა და წარმოქმნილი მკვრივი პლაზმის შესწავლა, რითაც მეცნიერულ ახალ მიმართულებას ჩაეყარა საფუძველი; არის სამეცნიერო პუბლიკაციებისა და 1 პატენტის (თანაავტ.: მ. მდივნიშვილი, მ. ლორთქიფანიძე, გ. წიქარიშვილი) ავტორი. მიღებული აქვს სახელმწიფო ჯილდოები. ექსპერიმენტატორი, პლაზმის ფიზიკისა და ქიმიის სპეციალისტი, ფიზიკა-მათემატიკის მეცნიერებათა დოქტორი (2006).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 173

• ВЛИЯНИЕ СВЧ излучения на магнитные свойства ВТСП керамики (თანაავტორი). - Тбилиси, 1990. - 10с.