თამარ გიორგაძე

დაამთავრა საქართველოს პოლიტექნიკური ინსტიტუტი ინჟინერი-ქიმიკოსი-ტექნოლოგის კვალიფიკაციით 1988 წელს; საქართველოს ტექნიკური უნივერსიტეტის ასპირანტურა. 

1988 წლიდან მუშაობს საქართველოს ტექნიკური უნივერსიტეტში: 1988-2002წწ. კომპლექსური ნაერთების სინთეზის სამეცნიერო-კვლევითი ლაბორატორია, უფროსი ლაბორანტი; 1988-1998წწ. ფილოსოფიის კათედრა, ლაბორანტი, უფროსი ლაბორანტი; 2002-2006წწ. ზოგადი და ბიოარაორგანული ქიმიის კათედრა, ლაბორანტი, ლაბორატორიის გამგე, უფროსი ლაბორანტი; 2006-2007წწ. ზოგადი და ბიოარაორგანული ქიმიის კათედრა, ასოცირებული პროფესორი, 2007-2021წწ. ქიმიური და ბიოლოგიური ტექნოლოგიების დეპარტამენტი, ასოცირებული პროფესორი; 2021 წლიდან ქიმიის დეპარტამენტი, ასოცირებული პროფესორი. მრავალი სამეცნიერო ნაშრომის ავტორი და თანაავტორი. მისი კვლევითი ჯგუფის ძირითადი მიმართულებაა კოორდინაციული ქიმია, კერძოდ კი, ე. წ. "სიცოცხლის ლითონების" ამინებთან, ამიდებთან, ჰიდრაზიდებთან და ჰიდრაზონებთან კოორდინაციული ნაერთების სინთეზი მათი სხვადასხვა ფიზიკურ-ქიმიური თვისებების როგორიცაა სპექტროსკოპია, რენტგენო-სტრუქტურული ანალიზი, თერმოგრაფიული და ფიზიოლოგიური აქტივობის კვლევა. ორგანული ლიგანდების კვანტურ-ქიმიური კვლევა სხვადასხვა გამხსნელებში, მათ მოლეკულებში დონორული ატომების გამოვლენის და სხვადასხვა გეომეტრიული და სტრუქტურული პარამეტრების დადგენის მიზნით. ქიმიის მეცნიერებათა კანდიდატი, აკადემიური დოქტორი (2005), პროფესორი (2006).

წყარო: საქართველოს ტექნიკური უნივერსიტეტის ვებგვერდი: my.gtu.ge

• "ქიმია-მიღწევები და პერსპექტივები" : აკადემიკოს გივი ცინცაძის დაბადებიდან 90 წლისადმი მიძღვნილი საერთაშორისო - სამეცნიერო კონფერენციის შრომების კრებული (თანაავტორი). - თბილისი, ტექ. უნ-ტი, 2023. - 622გვ.. - ISBN: 9789941289705
• არაორგანული ქიმიის პრაქტიკუმი : დამხმარე სახელმძღვანელო (თანაავტორი). - თბილისი, ტექ. უნ-ტი, 2016. - 114გვ.. - ISBN: 9789941207297