რევაზ კრიჭინაშვილი

დაბადების ადგილი: სოფელი საცხენისი, ახლანდელი გარდაბნის მუნიციპალიტეტი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი სტატისტიკის სპეციალობით 1956 წელს.

მუშაობდა სხვადასხვა სახელმწიფო სამსახურში. იყო "ცენტროსოიუზის" ლვოვის სავაჭრო-ეკონომიკური ინსტიტუტის კვალიფიკაციის ამაღლების თბილისის ფაკულტეტის დეკანი; 1986–1990წწ. მოსკოვის კოოპერაციული ინსტიტუტის სამეცნიერო-სასწავლო კომპლექსის თბილისის ფილიალის დირექტორი; 1991–2003წწ. საქართველოს სავაჭრო-სამრეწველო პალატასთან არსებული თბილისის სავაჭრო-ეკონომიკური ინსტიტუტის რექტორი. 1968 წლიდან გარდაცვალებამდე კითხულობდა ლექციებს თბილისის სახელმწიფო უნივერსიტეტში. ავტორია სამეცნიერო ნაშრომებისა, მათ შორის მონოგრაფიებისა და სახელმძღვანელოების, რომლებებიც ეძღვნება ვაჭრობის ეკონომიკის, კოოპერაციის, მარკეტინგისა და საერთაშორისო ბიზნესის საკითხებს. მან მნიშვნელოვანი წვლილი შეიტანა ქართული ჭიდაობის აღორძინებისა და განვითარების საქმეში. ამ თემას მიუძღვნა არაერთი სტატია, წერილი თუ ბროშურა. ეკონომისტ-სტატისტიკოსი, ეკონომიკის მეცნიერებათა დოქტორი (1991), პროფესორი (1996). სპორტსმენი (სამბო).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.214

• 2000 - ღირსების ორდენი

• ვაჭრობის ეკონომიკისა და საქონელმცოდნეობის ტერმინოლოგია = Терминология экономики торговли и товароведения : რუსულ-ქართული ნაწილი (შემდგენელი). - თბილისი, განათლება, 2003. - 385გვ.
• სამრეწველო საქონლის საექსპორტო პოლიტიკა : კომერციისა და მარკეტინგის ფაკ-ტის სტუდ.-თვის (შემდგენელი). - თბილისი, თსუ-ს გამომცემლობა, 2001. - 12გვ.
• კერძო სექტორის ფორმირების თავისებურებანი და ტენდენციები საქართველოს ენერგეტიკაში (თანაავტორი). - თბილისი, თსუ-ს გამომცემლობა, 2001. - 55გვ.. - ISBN: 9992833327
• საერთაშორისო ბიზნესი : ლექციების კურსი (ავტორი). - თბილისი, თსუ-ს გამომცემლობა, 1999. - 63გვ.. - ISBN: 9992831766