
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ალექსანდრე თევზაძე

Date of birth:	6 October, 1973 (51 years)
Category:	Public official, Scientist, Educator, Physicist

Biography

დაამთავრა თბილისის სახელმწიფო უნივერსიტეტის ფიზიკის ფაკულტეტი 1995 წელს; 2006 წელს ლეუვენის კათოლიკური უნივერსიტეტის (ბელგია) პლაზმური ასტროფიზიკის ცენტრში მიენიჭა მათემატიკის დოქტორის ხარისხი; იყო ტურინის ასტრონომიულ ობსერვატორიისა (იტალია) და აბასთუმნის ასტროფიზიკური ობსერვატორიის პოსტდოქტორანტი.

2009 წელს აირჩიეს თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის ასოცირებულ პროფესორად. 2012 წლიდან არის კარნეგი მელონის უნივერსიტეტის (აშშ) ფიზიკის ფაკულტეტის მოწვეული ასოცირებული პროფესორი და ადიუნქტ-პროფესორი. თბილისის სახელმწიფო უნივერსიტეტში იყო უნივერსიტეტის წარმომადგენლობითი საბჭოს (სენატის) წევრი, სტუდენტური საერთაშორისო გაცვლითი პროგრამების კომისიის თავმჯდომარე, ფიზიკის დარგობრივი სარედაქციო კოლეგიის თავმჯდომარე, სადისერტაციო საბჭოს მდივანი და ზუსტი და საბუნებისმეტყველო მეცნიერებათა ფაკულტეტის დეკანის მოადგილე. ალექსანდრე თევზაძე 2017-2018 წლებში იყო საქართველოს განათლების, მეცნიერების, კულტურისა და სპორტის მინისტრის მოადგილე, 2019-2024 წლებში ქუთაისის საერთაშორისო უნივერსიტეტის რექტორი. გამოქვეყნებული აქვს სამეცნიერო ნაშრომები Physical Review E, D, Letters (ამერიკის ფიზიკური საზოგადოება), ლატვიის ეროვნული სამეცნიერო საბჭოს და პოლონეთის კვლევისა და განვითარების ეროვნული ცენტრის ჟურნალებში. ალექსანდრე თევზაძის კვლევითი ინტერესებში შედის თეორიული და რიცხვითი ასტროფიზიკა, მათ შორის, აკრეციული და პროტოპლანეტური დისკების დინამიკა, წანაცვლებითი დინებები, კოსმოსური მაგნიტური ველები და ტურბულენტობა. სხვადასხვა დროს ალექსანდრე თევზაძე მონაწილეობდა რუსთაველის ეროვნული სამეცნიერო ფონდის, ამერიკის შეერთებული შტატების ეროვნული სამეცნიერო ფონდის, სამოქალაქო კვლევებისა და განვითარების ფონდის, შვეიცარიის ეროვნული სამეცნიერო ფონდის, ევროკომისიის FP7 პროგრამის, იტალიის მთავრობის სწავლისა და კვლევის პროგრამის, ბელგიის სამეცნიერო ფონდის და სამეცნიერო საერთაშორისო მეცნიერებებისა და ტექნოლოგიების ცენტრის მიერ დაფინანსებულ კვლევებსა და პროექტებში.

წყარო: ქუთაისის საერთაშორისო უნივერსიტეტი: kiu.edu.ge; საქართველოს განათლებისა და მეცნიერების სამინისტრო: mes.gov.ge

Member of Organizations

დიდი ბრიტანეთის მათემატიკისა და მისი გამოყენებების ინსტიტუტი (IMA) , არჩეული წევრი

Awards and Honors

2009 - საქართველოს მეცნიერებათა ეროვნული აკადემია, ევგენი ხარაძის სახელობის პრიზი ასტროფიზიკაში