ვახტანგ კუცია

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტის ეკონომიკის ფაკულტეტი 1971 წელს.

1964 წლიდან მონაწილეობდა სამხატვრო გამოფენებში. 1965 წლიდან თანამშრომლობდა სხვადასხვა ქვეყნის ჟურნალ-გაზეთებთან: "ნიანგი", "Крокодил", "Известия", "Литературная газета", "Смена" (რუსეთი), "Szpilki" (პოლონეთი); "Eulenspiegel" (გერმანია), "Dikobraz" (ჩეხეთი) და სხვ; მისი ძირითადი ნამუშევრები: 10 ათასზე მეტი კარიკატურა, გააფორმა და დაასურათა "ქართული ხალხური ზღაპრები" (I–II ტ.; 1991–1992), კრებული "150 საბჭოთა პოლიტიკური ანეკდოტი" (1991); ავტორია იუმორისტული კრებულებისა: "30 ნახატი კახელებზე", "ბურთი იცინის" (1998) და სხვ. გამოფენები: პერსონალური – "მერანი" (1986), საქართველოს ხელოვნების სახელმწიფო მუზეუმი (1991), თბილისის სახელმწიფო სამხატვრო აკადემია (2010) და სხვ.; მონაწილეობდა კარიკატურისტთა კონკურსებში. პრესაში გამოქვეყნებული კარიკატურების რაოდენობის გამო შეტანილია გინესის რეკორდსმენთა სიაში; 1986 წლიდან იყო ანსამბლ "ორერას" სოლისტი. ანსამბლი ასრულებდა მის მუსიკასა და ლექსებზე შექმნილ რამდენიმე სიმღერას. მხატვარი (კარიკატურა, პლაკატი, წიგნის გრაფიკა), კარიკატურისტი, ილუსტრატორი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ.247

• 1996 - ღირსების მედალი