ლევან ლაზიშვილი

დაბადების ადგილი: ქ. ქობულეთი.

დაამთავრა საქართველოს სასოფლო-სამეურნეო ინსტიტუტის ტექნოლოგიის ფაკულტეტი ჩაის ტექნოლოგის სპეციალობით 1948 წელს; ასპირანტურა დაასრულა 1953 წელს.

1953 წლიდან მუშაობდა ჩაის მრეწველობის საკავშირო სამეცნიერო-კვლევით ინსტიტუტში; 1962 წლიდან საქართველოს კვების მრეწვ. სამეცნიერო კვლევითი ინსტიტუტის ბათუმის ფილიალის დირექტორად; 1974–1976წწ. ჩაის ფაბრიკების საწარმოო გაერთიანების გენერალურ დირექტორად; 1981 წლიდან იყო სუბტროპიკული ნედლეულის შენახვა-გადამუშავების სამეცნიერო-კვლევითი ინსტიტუტის დირექტორის მოადგილე სამეცნიერო დარგში; მან შეისწავლა ჩაის უხეში ფოთლის ქიმიური თვისებები და მისგან ლაო-ჩაის დამზადების ტექნოლოგია; შეიმუშავა სრულიად ახალი კომპლექსური ტექნოლოგია როგორც მწვანე, ისე შავი ჩაისათვის. თანაავტორებთან ერთად დაამუშავა ციტრუსოვანთა წვენების წარმოების ნარჩენებისგან ვიტამინ P-ს პრეპარატის მიღების ტექნოლოგია, რომლის საფუძველზე აღნიშნული პრეპარატის საწარმოებლად შეიქმნა სპეციალიზებული საამქრო ბათუმის ქიმიურ-ფარმაცევტულ ქარხანაში. მიღებული აქვს მრავალი საავტორო მოწმობა გამოგონებაზე. მინიჭებული ჰქონდა აჭარის დამსახურებული ინჟინრისა და გამომგონებლის საპატიო წოდებები. ტექნიკურ მეცნიერებათა დოქტორი (1974), პროფესორი (2002), ტექნოლოგი.

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.268

• სოფლის მეურნეობის მეცნიერებათა აკადემია, ნამდვილი წევრი (1995-)

• ღირსების ორდენი

• მწვანე ჩაის გადამუშავების კომპლექსური ტექნოლოგია (რედაქტორი). - თბილისი, უნივერსალი, 2009. - 138გვ.. - ISBN: 9789941126772
• კონცეფცია სამამულო მეჩაიეობის აღდგენა-განვითარების შესახებ = Концепция о возрождении и развитии отечественного чаеводства = Concept about rehabilitation and development of tea production in our country (ავტორი). - ბათუმი, 2004. - 16გვ.. - ISBN: 9994002007