ავთანდილ ლაჭყეპიანი

დაბადების ადგილი: ქ. თბილისი.  

დაამთავრა თბილისის სახელმწიფო სამედიცინო ინსტიტუტი 1944 წელს.

1947–1949წწ. მუშაობდა შრომის, ჰიგიენისა და პროფ. დაავადებათა სამეცნიერო-კვლევით ინსტიტუტში ნევროლოგად;  1949–1958წწ. ექიმთა დახელოვნების ინსტიტუტის ნერვულ სნეულებათა კათედრაზე; 1958-1967წწ. წელს კლინიკური და ექსპერიმენტული ნევროლოგიის ინსტიტუტის თანამშრომლად; 1967–1979წწ. მოღვაწეობდა პედიატრიის სამეცნიერო-კვლევით ინსტიტუტში; 1986–1998წწ. იყო თბილისის სახელმწიფო სამედიცინო ინსტიტუტის ნერვულ სნეულებათა კათედრის გამგე; ჯანმრთელობის სამინისტროს ბავშვთა მთავარი ნევროპათოლოგი (1970), კარდიოლოგიის ინსტიტუტის კონსულტანტი და სამეცნიერო საბჭოს წევრი (1971); მისი ხელმძღვანელობით მიმდინარეობდა კარდიოცერებრალური პათოლოგიის საკითხების კვლევა. მიღებული აქვს სახელმწიფო ჯილდოები. მისი სახელი მიენიჭა საქართველოს ბავშვთა ნევროლოგიისა და ნეიროქირურგიის ასოციაციას (1999). მედიცინის მეცნიერებათა დოქტორი (1965), პროფესორი (1970), ნევროლოგი. 

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.311

• თბილისის ნევროლოგთა სამეცნიერო საზოგადოება, თავმჯდომარე (1988-1999)
• საქართველოს მედიცინის მეცნიერებათა აკადემია, ნამდვილი წევრი (1994-)

• 1997 - ღირსების ორდენი
• 1987 - საქართველოს მეცნიერებათა დამსახურებული მოღვაწე