პაატა ლეიაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი 1977 წელს.

1977–1979წწ. მუშაობდა თბილისის სახეხი ჩარხების ქარხანასა და თბილისის ჩარხმშენებელ საწარმოო გაერთიანებაში ინჟინერ-ტექნოლოგად; 1982–1991წწ. საკავშირო შრომის სამეცნიერო-კვლევითი ინსტიტუტის საქართველოს ფილიალში უფროს მეცნიერ თანამშრომლად; 1991–2000წწ. საქართველოს მეცნიერებათა ეროვნული აკადემიის პ. გუგუშვილის სახ. ეკონომიკის ინტსტიტუტში უფროს, შემდეგ კი მთავარ მეცნიერ თანამშრომლად; 1999–2017წწ. პერიოდულად კითხულობდა ლექციებს თბილისის სახელმწიფო უნივერსიტეტში; 2002–2005წწ. იყო საქართველოს პარლამენტის საბიუჯეტო ოფისის განყოფილების გამგე, ამავე ოფისის ხელმძღვანელი; 2005–2007წწ. საქართველოს პარლამენტის საფინანსო-საბიუჯეტო კომიტეტის წამყვანი სპეციალისტი; 2015 წლიდან სოციალური და ეკონომიკური კვლევების ინსტიტუტის დირექტორია. მისი კვლევის ძირითადი მიმართულებებია ეკონომიკური კვლევების მეთოდოლოგია, მაკროეკონომიკის თეორია, ეკონომიკური ფასეულობა, ეკონომიკის რეფორმები და პოლიტიკა. ეკონომიკის მეცნიერებათა დოქტორი (1993), პროფესორი (2002). 

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.323

• ეკონომიკური მოღვაწეობა : სისტემური ანალიზი (ავტორი). - თბილისი, სიახლე, 2017. - 462გვ.. - ISBN: 9789941941382
• ფული, კრედიტი და ბანკები : ილუზია და რეალობა (ავტორი). - თბილისი, 2017. - 107გვ.
• ეკონომიკური თეორია და რეფორმები თანამედროვე გამოწვევების წინაშე (ავტორი). - თბილისი, 2017. - 156გვ.
• Economic activity : teleological analysis (ავტორი). - New York, Nova Science Publ., 2012. - 164p.. - ISBN: 9781619429406
• Экономическая деятельность : Телеологический анализ (ავტორი). - Тбилиси, Сиахле, 2011. - 191с.
• ქართული რეფორმები "ინსტიტუციონალურ ხაფანგში" (ავტორი). - თბილისი, აისი, 2003. - 71გვ.