ოთარ ლიპარტელიანი

დაბადების ადგილი: სოფელი კახურა, ლენტეხის მუნიციპალიტეტი.

დაამთავრა საქართველოს სასოფლო-სამეურნეო ინსტიტუტის აგრონომიის ფაკულტეტი 1955 წელს.

1976–1978წწ. ეწეოდა სამეცნიერო-პედაგოგიურ მოღვაწეობას თბილისის სახელმწიფო უნივერსიტეტისა და 1979–1989წწ. საქართველოს სასოფლო-სამეურნეო ინსტიტუტში სელექცია-გენეტიკის განხრით; 1985 წელს მიიღო პირველი ხარისხის დიპლომი მეცნიერების მიღწევების წარმოებაში დანერგვისათვის; 1986 წლიდან მუშაობდა საქართველოს მიწათმოქმედების სამეცნიერო-კვლევითი ინსტიტუტის მცხეთის სასელექციო სადგურში; 1993–2004წწ. იყო ამავე სადგურის დირექტორი; 2013 წლიდან სოფლის მეურნეობის მეცნიერებათა აკადემიის სამეცნიერო საბჭოს წევრი; 2014 წლიდან საქართველოს სოფლის მეურნეობის სამინისტროს სამეცნიერო-კვლევითი ცენტრის მარცვლეული კულტურების სამსახურის მთავარი სპეციალისტი; მუშაობს ერთწლოვანი კულტურების სელექციისა და გენეტიკის საკითხებზე. მისი ავტორობითა და თანაავტორობით გამოყვანილი და წარმოებაში დანერგილია სიმინდის 8 ჰიბრიდი და 1 ჯიში, მ. შ. 2 ჰიბრიდი გასავრცელებლად დაშვებულია ჩრდილოეთ კავკასიაში, შუა აზიაში, უკრაინასა და სამხრეთ რუსეთში. არის სამეცნიერო ნაშრომების, მონოგრაფიებისა და სახელმძღვანელოს, მრავალი გამოგონებისა და პატენტის ავტორი. მიღებული აქვს სახელმწიფო ჯილდოები. აგრონომი, სოფლის მეურნეობის მეცნიერების დოქტორი (1985), პროფესორი (1990).

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.378

• საქართველოს სახელმწიფო პრემია , სიმინდის მარტივი ხაზთაშორისი ჰიბრიდის, ქართული 9-ის გამოყვანისა და დანერგვისათვის (1986-)
• საქართველოს სოფლის მეურნეობის მეცნიერებათა აკადემია, წევრ-კორესპონდენტი (1994-)

• 1999 - ღირსების ორდენი

• ჰიბრიდული სიმინდის მაღალი მოსავლის მიღების რეკომენდაცია (თანაავტორი). - თბილისი, აგრო, 2020. - 8გვ.. - ISBN: 9789941826542
• სიმინდი საქართველოში, მასზე გენეტიკური, სელექცია-მეთესლეობის და აგროტექნოლოგიური კვლევის შედეგები : მონოგრაფია (თანაავტორი). - თბილისი, საზოგადოება ცოდნა, 2015. - 368გვ.. - ISBN: 9789941411960
• ჰიბრიდული სიმინდი და მისი აგროტექნოლოგია ფერმერულ მეურნეობაში : სახელმძღვანელო (თანაავტორი). - თბილისი, საზოგადოება ცოდნა, 2011. - 144გვ.. - ISBN: 9789941411472
• ჰიბრიდული სიმინდის სელექცია საქართველოში (ავტორი). - თბილისი, საბჭოთა საქართველო, 1974. - 158გვ.
• სიმინდის მეთესლეობა საქართველოში (ავტორი). - თბილისი, საბჭოთა საქართველო, 1965. - 118გვ.