თამარ ონიანი

დაბადების ადგილი: დაბა ლენტეხი.

დაამთავრა თბილისის სახელმწიფო უნივერსიტეტის იურიდიული ფაკულტეტი 2004 წელს; ჩააბარა ადვოკატთა საკვალიფიკაციო გამოცდა სამოქალაქო და ადმინისტრაციულ სამართალში (2004); მოსამართლის საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციით (2008); 2009-2010 წლებში იყო იუსტიციის უმაღლესი სკოლის მსმენელი.

2004-2005წწ. - თბილისის საოლქო სასამართლოს ადმინისტრაციული სამართლისა და საგადასახადო საქმეთა პალატა, მოსამართლის თანაშემწე საზოგადოებრივ საწყისებზე; 2005 წელს - თბილისის საოლქო სასამართლოს ადმინისტრაციული სამართლისა და საგადასახადო საქმეთა კოლეგია, სხდომის მდივანი; 2006-2007წწ. - სანოტარო ბიურო, ნოტარიუსის კონსულტანტი; 2007 წელს - "პროკრედიტ ბანკი", იურისტ-ადმინისტრატორი; 2007-2009წწ. - საქართველოს უზენაესი სასამართლოს ადმინისტრაციულ და სხვა კატეგორიის საქმეთა პალატა, მოსამართლის რეფერენტი; 2010 წლის აგვისტოში მოსამართლედ დაინიშნა სოხუმისა და გაგრა-გუდაუთის რაიონულ სასამართლოში და მივლინების საფუძველზე მოსამართლის უფლებამოსილებას ახორციელებდა თბილისის საქალაქო სასამართლოში; 2010-2018წწ. - თბილისის საქალაქო სასამართლოს ადმინისტრაციულ საქმეთა კოლეგიის მოსამართლე; 2018 წლის მარტში მოსამართლეთა კონფერეციის მიერ არჩეულ იქნა იუსტიციის უმაღლესი საბჭოს წევრად; 2018 წლიდან - თბილისის სააპელაციო სასამართლოს ადმინისტრაციულ საქმეთა პალატის მოსამართლე, უვადოდ, კანონით დადგენილი ასაკის მიღწევამდე.

წყარო: საქართველოს იუსტიციის უმაღლესი საბჭო: hcoj.gov.ge

• საქართველოს ქალ მოსამართლეთა ასოციაცია, გამგეობის წევრი (2019-)

• კაზუსები ანტიდისკრიმინაციულ სამართალში : მეთოდური სახელმძღვანელო (თანაავტორი). - თბილისი, სულხან-საბა ორბელიანის უნივერსიტეტის გამომცემლობა, 2021. - 176გვ.. - ISBN: 9789941834165