ვალერიან ხუჯაძე

დაბადების ადგილი: სოფელი ცინარეთი, შუახევის რაიონი. 

დაამთავრა ზუგდიდის ტექნიკუმი ავტოხელოსნის სპეციალობით.

მესამე ქვეითი ბრიგადის 31-ე ბატალიონის ჯარისკაცი. სამხედრო-სავალდებულო სამსახურში გაწვევის  შემდეგ ორი წელი თბილისში, სამთავრობო დაცვაში მსახურობდა, შემდეგ კი აჭარის სამთავრობო დაცვაში; 2004 წლიდან საქართველოს შეიარაღებულ ძალებში საკონტრაქტო ხელშეკრულებას მოაწერა ხელი. თავდაპირველად სენაკის ბაზაზე გადიოდა წვრთნებს, შემდეგ ქუთაისის 31-ე ბატალიონში გადაიყვანეს. იყო პროფესიონალი მებრძოლი. სამშვიდობო მისიით მონაწილეობას ღებულობდა ISAF- ის ოპერაციაში ავღანეთში და ერაყში. ავღანეთში, ჰელმანდის პროვინციაში მეორე მისიის დასრულებამდე ერთი კვირით ადრე, პატრულირებისას მისი ჯავშანტრანსპორტი ნაღმზე აფეთქდა და დაიღუპა. სერჟანტი.

წყარო: გმირი, 2008-2018: ოთხოზორია-ტატუნაშვილი: 2008 წლის აგვისტოს ომში და სხვადასხვა მისიებში დაღუპული ქართველი ჯარისკაცების ისტორიები. - თბ.,2018.- გვ. 314-315

• 2012 - ვახტანგ გორგასლის I ხარისხის ორდენი (გარდაცვალების შემდეგ)
  საბრძოლო მამაცობისთვის
• 2012 - მედალი "საქართველოს თავდაცვის სამინისტროს სისტემაში უმწიკვლო სამსახურისათვის" (III ხარისხი, გარდაცვალების შემდეგ)
• 2011 - მედალი "სამშვიდობო ოპერაციებში მონაწილეობისთვის"
  ISAF-ის მისიაში მონაწილეობისათვის