სიმონ კილაძე

დაბადების ადგილი: სოფელი წაღვლი, ხაშურის რაიონი.

1975-1976 წლებში სწავლობდა თბილისის ტექნიკურ სასწავლებელში; დაამთავრა თბილისის ივანე ჯავახიშვილის სახელობის უნივერსიტეტის იურიდიული ფაკულტეტის 1992 წელს.

1977-1978 წწ. მსახურობდა სსრკ შეიარაღებულ ძალებში; 1979-1987 წწ. მუშაობდა თბილისის საავიაციო ქარხანაში სხვადასხვა თანამდებობებზე; 1992-1995 წწ. მუშაობდა საქართველოს პარლამენტის პოლიტოლოგიის ინსტიტუტში - მეცნიერ-თანამშრომლად, უფროს მეცნიერ-თანამშრომლად, სწავლულ მდივნად; 1995-2000 წწ. საქართველოს პარლამენტის კვლევითი სამსახურის მთავარ სპეციალისტად; კითხულობდა ლექციებს საქართველოს საგარეო საქმეთა სამინისტროსთან არსებულ დიპლომატიურ აკადემიაში; 2000-2003 წწ. პრეზიდენტის პრესსამსახურის საინფორმაციო-ანალიტიკური განყოფილების უფროსას; 2004-2006 წწ. პრეზიდენტის ადმინისტრაციის მთავარი მრჩეველ -კონსულტანტი, მასმედიასთან და საზოგადოებასთან ურთიერთობის სამსახურის საინფორმაციო-ანალიტიკური განყოფილების ხელმძღვანელად; 2008-2010 წწ. იყო დიპლომატიური აკადემიის ლექტორი; 2010-2014 წწ. ქართულ-ამერიკული უნივერსიტეტის (GAU) ლექტორი; 2015 წლიდან არის გაზეთების "ჯორჯიან თაიმსის", "კვირის პალიტრის" ჟურნალისტი. ქართულ და უცხოურ გამოცემებში გამოქვეყნებული აქვს 1000-ზე მეტი ანალიტიკური და პუბლიცისტური სტატია, აგრეთვე გამოკვლევები საქართველოს საგარეო პოლიტიკისა და ქართული დიპლომატიის ისტორიის, საერთაშორისო ურთიერთობების სფეროში. გამოკვლევებს შორისაა ნაშრომები "საქართველოს დემოკრატიული რესპუბლიკის საელჩოები და საკონსულოები 1918-1921 წლებში", "საქართველოს ტერიტორია და საზღვრები 1918-1957 წლებში: სოჭის ოლქი, ქლუხორისა და ახალხევის რაიონები (რუსეთში, ჩრდ. კავკასიაში), ზაქათალის ოლქი - საინგილო (აზერბაიჯანში), ლორის მხარე (სომხეთში), ართვინისა და არტაანის ოლქები (თურქეთში)".

წყარო: სიმონ კილაძის მიერ მოწოდებული ბიოგრაფიული მონაცემები.