ვალერი ლორია

დაბადების ადგილი: ქ. ბათუმი.

დაამთავრა თბილისის სახელმწიფო უნივერსიტეტის იურიდიული ფაკულტეტი 1959 წელს.

1960–2005წწ. მუშაობდა თბილისის სახელმწიფო უნივერსიტეტში; 1970–1975წწ. იყო იურიდიული ფაკულტეტის დეკანი; 1989–2001წწ. სამართლის საფუძვლების და 2001–2005წწ. ადმინისტრაციული სამართლის კათედრების გამგე. მისი სამეცნიერო ინტერესის სფეროა ადმინისტრაციული წარმოების სახეების ჩამოყალიბების კანონზომიერების მიგნება და ახსნა, ასევე ადმინისტრაციული პასუხისმგებლობის განსხვავების დადგენა სხვა სახის პასუხისმგებლობისაგან. გამოქვეყნებული აქვს სამეცნიერო ნაშრომები, მათ შორის 3 სახელმძღვანელო. იყო საქართველოს 1995 წის 24 აგვისტოს მიღებული საქართველოს რესპუბლიკის კონსტიტუციის შემმუშავებელი სამთავრობო კომისიის, ასევე საქართველოს ზოგადი ადმინისტრაციული კოდექსისა და საქართველოს ადმინისტრაციული საპროცესო კოდექსის შემმუშავებელი სამთავრობო კომისიის წევრი. ადმინისტრაციული სამართლის მკვლევარი. იურიდიულ მეცნიერებათა დოქტორი (1980), პროფესორი (1982). მიღებული აქვს სახელმწიფო ჯილდოები.

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.435

• 2003 - ღირსების ორდენი
• 2002 - ივანე ჯავახიშვილის სახელობის მედალი

• ადმინისტრაციული აქტების ბათილობისა და ძალადაკარგულად გამოცხადების თავისებურებები (თანაავტორი). - თბილისი, მერიდიანი, 2010. - 254გვ.. - ISBN: 9789941102196
• ადამიანის უფლებები და რელიგია (თანაავტორი). - თბილისი, თობალისი, 2006. - 170გვ.. - ISBN: 9994036386
• საქართველოს ადმინისტრაციული სამართალი : სახელმძღვ. უმაღლ. სასწ. სტუდენტებისათვის (ავტორი). - თბილისი, მერიდიანი, 2005. - 448გვ.. - ISBN: 9992832037
• რელიგიური უმცირესობები და რელიგიური ექსტრემიზმი საქართველოში (თანაავტორი). - თბილისი, თბილ. უნ-ტის გამ-ბა, 2004. - 228გვ.. - ISBN: 9994012339