ლევან გვარამია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის იურიდიული ფაკულტეტი 1997 წელს; 1995-1998 წლებში სწავლობდა რურის უნივერსიტეტის ეკონომიკურ ფაკულტეტზე ქ. ბოხუმში, გერმანიის ფედერაციული რესპუბლიკა; 2007 წელს ჩააბარა მოსამართლეობის საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციით.

1992-1993წწ. - ქ. თბილისის პროკურატურაში უფროსი ინსპექტორი; 1998-1999წწ. - საქართველოს ადვოკატთა კოლეგიის წევრი; 1998-1999წწ. - შპს სადაზღვევო კომპანია "ნაბათში" იურისტი; 1999-2001წწ. - საქართველოს უზენაეს სასამართლოს სასამართლო პრაქტიკის განზოგადოების განყოფილებაში კონსულტანტი; 2001 წლის დეკემბრიდან - საქართველოს გენერალური პროკურატურის სისტემა; 2002-2004წწ. - საქართველოს გენერალური პროკურატურის საგამოძიებო ნაწილის განსაკუთრებით მნიშვნელოვან საქმეთა უფროსი გამომძიებელი; 2004-2006წწ. - საქართველოს მთავრობის კანცელარიის იურიდიული დეპარტამენტის სასამართლოებთან ურთიერთობის განყოფილებაში წამყვანი სპეციალისტი; 2004-2005წწ. - თბილისის სახელმწიფო უნივერსიტეტის იურიდიული ფაკულტეტის დოცენტი; 2006 წლიდან - საქართველოს ეროვნული უშიშროების საბჭოს აპარატის სახელმწიფო უსაფრთხოების დეპარტამენტის მრჩეველი; ეკონომიკურ ურთიერთობათა სახელმწიფო უნივერსიტეტის ასოცირებული პროფესორი; 2007-2009წწ. - მარნეულის რაიონული სასამართლოს მოსამართლე და მოსამართლის უფლებამოსილებას მივლინების საფუძველზე ახორციელებდა თბილისის საქალაქო სასამართლოს სამოქალაქო საქმეთა კოლეგიაში; 2009-2016წწ. - გალი-გულრიფშისა და ოჩამჩირე-ტყვარჩელის რაიონული სასამართლოს მოსამართლე და მოსამართლის უფლებამოსილებას, ასევე, მივლინების საფუძველზე ახორციელებდა თბილისის საქალაქო სასამართლოს სამოქალაქო საქმეთა კოლეგიაში. 2016 წლიდან - თბილისის სააპელაციო სასამართლოს მოსამართლე. 2018 წლის თებერვლიდან თანამდებობაზე გამწესებულია უვადოდ, კანონით დადგენილი ასაკის მიღწევამდე.

წყარო: საქართველოს იუსტიციის უმაღლესი საბჭო: hcoj.gov.ge