სოსო ცისკარიშვილი

დაბადების ადგილი: ქ. კასპი.

დაამთავრა საქართველოს პოლიტექნიკური ინსტიტუტის საინჟინრო-ფიზიკური ფაკულტეტი (კვალიფიკაცია — ელექტრონული ტექნიკის ინჟინერი) 1971 წელს; მოსკოვის საგარეო ვაჭრობის საკავშირო აკადემია (კვალიფიკაცია — საერთაშორისო ეკონომიკურ ურთიერთობათა ეკონომისტი) 1979 წელს.

1971-1974წწ. მუშაობდა სამეცნიერო-კვლევით ინსტიტუტ "მიონში"; საქართველოს სსრ მეცნიერებისა და ტექნიკის სახელმწიფო კომიტეტში (1974-1976, 1978-1985, თავმჯდომარის მოადგილე 1980-1985 წლებში); 1984 წელს ვიდეოფირზე გადაატანინა და ამით განადგურებას გადაარჩინა თენგიზ აბულაძის ფილმი "მონანიება", რომელსაც საბჭოთა ცენზურა ემუქრებოდა; 1992 წლამდე ლექციებს კითხულობდა თბილისის სახელმწიფო უნივერსიტეტის ეკონომიკური გეოგრაფიის კათედრაზე; 1989 წლის ბოლოს მეცნიერთა ჯგუფთან ერთად შექმნა საქართველოში პირველი არასამთავრობო ორგანიზაცია სამეცნიერო-საგანმანათლებლო ასოციაცია "მსოფლიო ლაბორატორია" და მას შემდეგ იყო მისი გამგეობის თავმჯდომარე; 1992 წელს დაინიშნა საგარეო ეკონომიკურ ურთიერთობათა სახელმწიფო კომიტეტის თავმჯდომარედ, შემდეგ იყო საქართველოს ტექნიკური უნივერსიტეტის საგარეო ეკონომიკურ ურთიერთობათა კათედრის გამგე; 1996-2000წწ. ხელმძღვანელობდა ევროკავშირის ტექნიკური დახმარების პროგრამებს. 2006 წლიდან იყო ევროპული ინტეგრაციის ფორუმის გამგეობის თავმჯდომარე; 2008 წლიდან საერთაშორისო ეკონომიკური ურთიერთობების ექსპერტი.

წყარო: სა­ინ­ფორ­მა­ციო პორ­ტა­ლი "ამ­ბე­ბი.ge": ambebi.ge

• დამოუკიდებელ ექსპერტთა კლუბი, პრეზიდენტი (2008-)
• სრულიად საქართველოს რუსთაველის საზოგადოება, ვიცე-პრეზიდენტი (1988-1989)