ვასილ მშვენიერაძე

დაამთავრა თბილისის სახელმწიფო უნივერსიტეტის სპეცფაკულტეტი 1995 წელს და მიენიჭა ბიზნეს-იურისტის კვალიფიკაცია; გრიგოლ რობაქიძის სახელობის უნივერსიტეტის იურიდიული ფაკულტეტი და მიენიჭა სამართალმცოდნის კვალიფიკაცია 2000 წელს; შსს აკადემიის ასპირანტურა 2003 წელს; ჩაბარებული აქვს პროკურატურის მუშაკთა საკვალიფიკაციო გამოცდა და მოსამართლეობის საკვალიფიკაციო გამოცდა.

1997-1999წწ. - ნარკოლოგიის სამეცნიერო კვლევითი ინსტიტუტის მეცნიერ-თანამშრომელი, პარალელურად, საქართველოს უშიშროების საბჭოს ნარკოტიკების გავრცელების წინააღმდეგ ბრძოლის სახელმწიფო კომისიის პროფილაქტიკისა და სოციალური რეაბილიტაციის სამდივნოს ხელმძღვანელი; 1999-2002წწ. - თბილისის საოლქო სასამართლოში მოსამართლის თანაშემწე; 2002-2004წწ. - თბილისის საოლქო სასამართლოს სასამართლო პრაქტიკისა და სტატისტიკის განყოფილების უფროსი; 2004-2005წწ. - თბილისის საოლქო სასამართლოს თავმჯდომარის აპარატის უფროსი; 2006 წელს - თბილისის სახელმწიფო უნივერსიტეტის იურიდიული სამსახურის უფროსი სპეციალისტი; 2006-2007წწ. - მცხეთა-მთიანეთის საოლქო პროკურატურის შსს ორგანოებში გამოძიების საპროცესო ხელმძღვანელობის განყოფილების პროკურორი; 2007-2008წწ. - მცხეთის რაიონული პროკურატურის პროკურორი; 2008 წლის აპრილიდან აგვისტომდე - საგარეჯოს რაიონული სასამართლოს თავმჯდომარე, აგვისტოდან დეკემბრამდე - გორის რაიონული სასამართლოს თავმჯდომარე; 2008-2017წწ. - მცხეთის რაიონული სასამართლოს თავმჯდომარე; 2017 წლის ოქტომბრიდან თანამდებობაზე გამწესებულია უვადოდ, კანონით დადგენილი ასაკის მიღწევამდე; 2015-2019წწ. - საპროკურორო საბჭოს წევრი; 2017-2021წწ. - საქართველოს იუსტიციის უმაღლესი საბჭოს წევრი; 2017-2019წწ. - თბილისის საქალაქო სასამართლოს ადმინისტრაციულ საქმეთა კოლეგიის მოსამართლე, ადმინისტრაციულ საქმეთა კოლეგიისა და თბილისის საქალაქო სასამართლოს თავმჯდომარე; 2019-2020წწ. - თბილისის სააპელაციო სასამართლოს საგამოძიებო კოლეგიის მოსამართლე და თავმჯდომარე; 2020 წლის ივლისიდან დეკემბრამდე - ქუთაისის სააპელაციო სასამართლოს მოსამართლე და სასამართლოს თავმჯდომარე; 2020-2021წწ. - თბილისის საქალაქო სასამართლოს სამოქალაქო საქმეთა კოლეგიის მოსამართლე და სასამართლოს თავმჯდომარე; 2021-2022წწ. - თბილისის საქალაქო სასამართლოს ადმინისტრაციულ საქმეთა კოლეგიის მოსამართლე და თავმჯდომარე; 2022 წლის ივნისიდან - თბილისის საქალაქო სასამართლოს სამოქალაქო საქმეთა კოლეგიის მოსამართლე, ხოლო ივლისიდან - ამავე კოლეგიის თავმჯდომარე.

წყარო: საქართველოს იუსტიციის უმაღლესი საბჭო: hcoj.gov.ge