მაკა გორგოძე

დაბადების ადგილი: ადიგენის რაიონი.

დაამთავრა ქუთაისის აკაკი წერეთლის სახელობის სახელმწიფო უნივერსიტეტის იურიდიული ფაკულტეტი 1997 წელს; 1999 წელს სწავლობდა თბილისის სახელმწიფო უნივერსიტეტის ასპირანტურაში სამართლის ისტორიის სპეციალობით (მუშაობდა თემაზე "ერეკლე მეორის სამართლებრივი დოქტრინა"); 2003-2005წწ. იყო თბილისის საერთაშორისო ეკონომიკურ ურთიერთობათა სახელმწიფო უნივერსიტეტის ასპირანტურის მაძიებელი, სისხლის სამართლისა და კრიმინოლოგიის მიმართულებით.

1998-1999წწ. - ქუთაისის სამართლისა და ეკონომიკის უნივერსიტეტის ლექტორი; 1999-2004წწ. კითხულობდა ლექციებს ქუთაისის ნიკო მუსხელიშვილის სახელობის სახელმწიფო ტექნიკური უნივერსიტეტის კრიმინალისტიკური ტექნიკისა და ტექნიკური ექსპერტიზის კათედრაზე სისხლის სამართლისა და კრიმინოლოგიის მიმართულებით; 2004-2005წწ. - მუშაობდა ნიკო მუსხელიშვილის სახელობის სახელმწიფო ტექნიკური უნივერსიტეტის პოლიტიკური მოძღვრების, საქართველოს ისტორიის და სამართლის კათედრაზე, სისხლის სამართლის მიმართულებით; 2005-2006წწ. - ნიკო მუსხელიშვილის სახელობის სახელმწიფო ტექნიკური უნივერსიტეტის კრიმინალისტიკური ტექნიკისა და ტექნიკური ექსპერტიზის კათედრის სისხლის სამართლის მიმართულების ლექტორი; 2006-2007წწ. კითხულობდა ლექციებს ქუთაისის აკაკი წერეთლის სახელობის სახელმწიფო უნივერსიტეტის იურიდიულ ფაკულტეტზე სისხლის სამართლის მიმართულებით. 2007 წელს - ქუთაისის საქალაქო სასამართლოს კანცელარიაში სპეციალისტი; 2007 წელს - ქუთაისის სააპელაციო სასამართლოს კანცელარიისა და მოქალაქეთა მისაღები განყოფილების უფროსი; 2007-2009წწ. - ქუთაისის საქალაქო სასამართლოს მოსამართლე; 2009-2012წწ. მივლინების საფუძველზე მოსამართლის უფლებამოსილებას ახორციელებდა ზესტაფონის რაიონულ სასამართლოში, პარალელურად ახორციელებდა ხარაგაულის მაგისტრატი მოსამართლის უფლებამოსილებას; 2010-2012წწ. - სამტრედიის რაიონული სასამართლოს მოსამართლე; 2012-2016წწ. - ქუთაისის საქალაქო სასამართლოს მაგისტრატი მოსამართლე წყალტუბოს მუნიციპალიტეტში; 2016 წლიდან - ქუთაისის სააპელაციო სასამართლოს სისხლის სამართლის საქმეთა პალატის მოსამართლე. 2017 წლის ოქტომბრიდან თანამდებობაზე გამწესებულია უვადოდ, კანონით დადგენილი ასაკის მიღწევამდე. გამოქვეყნებული აქვს 7 სამეცნიერო სტატია, არის ავტორი მონოგრაფიისა - "რეციდიული დანაშაულობის კრიმინოლოგიური დახასიათება".

წყარო: საქართველოს იუსტიციის უმაღლესი საბჭო: hcoj.gov.ge

• მაია ივანიძე - 50 : საიუბილეო კრებული (თანაავტორი). - თბილისი, იურისტების სამყარო, 2017. - 268გვ.. - ISBN: 9789941947698
• რეციდიული დანაშაულობა (ავტორი). - თბილისი, ქუთაისის უნ-ტის გამ-ბა, 2006. - 135გვ.. - ISBN: 9994052306