გიორგი მათეშვილი

დაბადების ადგილი: სოფელი მაღარო, ახლანდელი სიღნაღის მუნიციპალიტეტი.

დაამთავრა თბილისის სახელმწიფო სამედიცინო უნივერსიტეტის სამკურნალო ფაკულტეტი 1926 წელს.

1935 წელს მუშაობდა თბილისის სახელმწიფო სამედიცინო ინსტიტუტის ჰოსპიტალური თერაპიის კლინიკაში; 1941–1942წწ. იყო 44-ე არმიის მთავარი თერაპევტი. 1942 წლიდან კვლავ კლინიკაში დაბრუნდა, სადაც 1958 წლამდე იმუშავა. 1958–1973წწ. ხელმძღვანელობდა თბილისის კარდიოლოგიის სამეცნიერო-კვლევითი ინსტიტუტის კლინიკურ განყოფილებას. იკვლევდა არტერიულ ჰიპერტონიას, ათეროსკლეროზს, ალერგიას, ნევრიტის ეტიოლოგიას და სხვა საკითხებს. მეცნიერი კარდიოლოგიის აქტუალურ საკითხებს მიძღვნილი 110-ზე მეტი სამეცნიერო ნაშრომის ავტორია. მისი ხელმძღვანელობით შესრულებულია 5 სადოქტორო და 14 საკანდიდატო დისერტაცია. მიღებული აქვს სახელმწიფო ჯილდოები. კარდიოლოგი, მედიცინის მეცნიერებათა დოქტორი (1957), პროფესორი (1962).

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.461; კარგ ქართველთა საფლავები: geonecropol.ge; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.261-262

• თერაპევტთა რესპუბლიკური საზოგადოების გამგეობა, წევრი
• ქ. თბილისის კარდიოლოგთა საზოგადოება, თავმჯდომარე (1965-1973)

• 1960 - საქართველოს მეცნიერებათა დამსახურებული ექიმი
• მედალი "ჯანმრთელობის დაცვის ფრიადოსანი"
• შრომის წითელი დროშის ორდენი
• მედალი "საბრძოლო დამსახურებისთვის"