დავით წერეთელი

დაბადების ადგილი: ქ. თბილისი.

დაამთავრა საქართველოს ტექნიკური უნივერსიტეტის იურიდიული ფაკულტეტი 2005 წელს; 2003-2004წწ. გაიარა სამოქალაქო სამართლის კურსი საქართველოს ახალგაზრდა იურისტთა ასოციაციის სასწავლო ცენტრში; 2004 წელს გაიარა კორპორაციული ხელმძღვანელების მომზადების პროგრამა, კორპორაციული სამართალი; 2005 წელს ჩააბარა პროკურატურის საკვალიფიკაციო გამოცდა; 2006 წელს ჩააბარა ადვოკატთა საკვალიფიკაციო გამოცდა საერთო სპეციალობით; 2006-2007წწ. სწავლობდა ცენტრალური ევროპის უნივერსიტეტში ქ. ბუდაპეშტში; 2006-2012წწ. სწავლობდა თბილისის სახელმწიფო უნივერისტეტის იურიდიული ფაკულტეტის დოქტორანტურაში, არის სამართლის დოქტორი; 2013 წელს ჩააბარა მოსამართლეობის საკვალიფიკაციო გამოცდა სამოქალაქო-ადმინისტრაციული სამართლის სპეციალობით; 2014-2015 წლებში იყო საქართველოს იუსტიციის უმაღლესი სკოლის მსმენელი; 2014 წელს გაიარა სასწავლო კურსი - ევროპის საბჭოს და ადამიანის უფლებების ევროპული სასამართლოს საქმიანობა და გადაწყვეტილებები ქ. სტრასბურგში; 2014 წელს გაირა სასწავლო კურსი - გერმანიის სასამართლოს, პროკურატურის და პენიტენციალური სისტემა და საქმიანობა ქ. ჰამბურგში.

2003 წელს საქართველოს რესპუბლიკურ სამეცნიერო კონფერენციაში წარმატებისათვის საქართველოს პრეზიდენტისაგან მიღებული აქვს დიპლომი და ჯილდო; 2007 წელს ელექტრონული საქმისწარმოების და სამართალწამოების პრაქტიკის გაზიარებასთან დაკავშირებით იყო საქართველოს დელეგაციის წევრი ქ. ათენში; 2004-2005წწ. იყო საქართველოს შრომის, ჯანმრთელობისა და სოციალური დაცვის სამინისტროს საზოგადოებრივი ჯანდაცვის დეპარტამენტის იურისტი; 2005-2008წწ. - თბილისის მერიის ადმინისტრაციის იურიდიული სამსახურის მთავარი სპეციალისტი; 2008-2009წწ. - თბილისის მერიის თბილისის ქონების კონტროლისა და მონიტორინგის განყოფილების უფროსი; 2009-2010წწ. - საქართველოს სახელმწიფო საკონსტიტუციო კომისიის, სამართლებრივი-საორგანიზაციო მიმართულების ხელმძღვანელი; 2009-2011წწ. - თბილისის სახელმწიფო უნივერისტეტის იურიდიული ფაკულტეტის მიწვეული ლექტორი; 2010 წელს პოლონეთის საკონსტიტუციო სასამართლოს, საერთო სასამართლოების, მთავრობის, პარლამენტის, ადგილობრივი თვითმმართველობის სისტემის და საქმიანობის პრაქტიკის გაზიარებასთან დაკავშირებით, იყო საქართველოს სახელმწიფო დელეგაციის წევრი ქ. ვარშავაში; 2010-2012წწ. - საქართველოს განათლებისა და მეცნიერების სამინისტროს სსიპ კონსტიტუციონალიზმის ცენტრის დეპარტამენტის დირექტორი; 2011–2014წწ. - საქართველოს ადვოკატთა ასოციაციის სასწავლო ცენტრის ექსპერტი და მიწვეული ლექტორი; 2012 წლიდან - საქართველოს ახალგაზრდა იურისტთა ასოციაციის სასწავლო ცენტრის მიწვეული ლექტორი; 2013 წლიდან - კავკასიის უნივერსიტეტის სამართლის სკოლაში ასოცირებული პროფესორი; 2013-2015წწ. - საქართველოს შრომის, ჯანმრთელობისა და სოციალური დაცვის სამინისტროს სსიპ დაავადებათა კონტროლის ეროვნული ცენტრის იურისტი; 2015 წელს - თბილისის საქალაქო სასამართლოს ადმინისტრაციულ საქმეთა კოლეგიის მოსამართლის თანაშემწე; 2015 წლის აგვისტოდან - თბილისის საქალაქო სასამართლოს ადმინისტრაციულ საქმეთა კოლეგიის მოსამართლე. 2018 წლის ივნისიდან თანამდებობაზე გამწესებულია უვადოდ, კანონით დადგენილი ასაკის მიღწევამდე. არის სხვადასხვა წიგნის, სტატიის, პუბლიკაციის ავტორი.

წყარო: საქართველოს იუსტიციის უმაღლესი საბჭო: hcoj.gov.ge

• კონსტიტუციონალიზმი: მიღწევები და გამოწვევები = Constitutionalism: Achievements and challenges (თანაავტორი). - თბილისი, უნივერსალი, 2019. - 742გვ.. - ISBN: 9789941266270
• საქართველოს კონსტიტუციის კომენტარი : თავი მეორე: საქართველოს მოქალაქეობა. ადამიანის ძირითადი უფლებანი და თავისუფლებანი (თანაავტორი). - თბილისი, ბონა კაუზა, 2015. - 632გვ.. - ISBN: 9789941942709