ვლადიმერ მამათელაშვილი

დაბადების ადგილი: სოფელი ჩუმლაყი, გურჯაანის მუნიციპალიტეტი.

დაამთავრა საქართველოს ზოოტექნიკურ-სავეტერინარო ინსტიტუტის ვეტერინარული ფაკულტეტი 1938  წელს.

1941–1946წწ. ხელმძღვანელობდა საქართველოს ზოოტექნიკურ-სავეტერინარო ინსტიტუტის პათოლოგიური ანატომიის ლაბორატორიას. 1946–1983წწ. იყო კათედრის გამგე, 1956–1959წწ. – საქართველოს ზოოტექნიკურ-სავეტერინარო ინსტიტუტის დირექტორი; 1959–1975წწ. – საქართველოს ზოოტექნიკურ-სავეტერინარო სასწავლო-კვლევითი ინსტიტუტის რექტორი; 1960–1982წწ. – ვეტერინარულ პათანატომთა საკავშირო სამეცნიერო საზოგადოების წევრი. არჩეული იყო საქართველოს სსრ უმაღლესი საბჭოს და თბილისის საქალაქო საბჭოს დეპუტატად. ქართული ვეტერინარულ პათოლოგური ანატომიის მეცნიერებისა და პედაგოგიური სკოლის ფუძემდებელი. მან ჩაატარა კვლევები საქართველოში სავეტერინარო პათოლოგირი მორფოლოგიის მიმართულებით. არის სამეცნიერო ნაშრომების ავტორი. მიღებული აქვს სახელმწიფო ჯილდოები. ვეტერინარი ექიმი, პათოლოგანატომი, ვეტარინარულ მეცნიერებათა დოქტორი (1970), პროფესორი (1967).

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.485

• 1967 - საქართველოს მეცნიერებათა დამსახურებული მოღვაწე

• სასოფლო-სამეურნეო ცხოველთა პათოლოგანატომიური გაკვეთის ტექნიკა : დამხმ. სახელმძღვ. ზოოტექნ-სავეტერ. სასწ-კვლევ. ინ-ტის ვეტერ. ფაკ-ტის სტუდენტებისათვის (თანაავტორი). - თბილისი, განათლება, 1982. - 263გვ.
• სასოფლო-სამეურნეო ცხოველთა პათოლოგიური ფიზიოლოგია და პათოლოგიური ანატომია : სახელმძღვ. ზოოვეტ. ტექნიკუმებისათვის (თანაავტორი). - თბილისი, განათლება, 1967. - 379გვ.
• სასოფლო-სამეურნეო ცხოველთა დაავადების პათოლოგიური ანატომიის საფუძვლები : სახელმძღვ. ვეტ. ფაკ-ტის სტუდენტთათვის (თანაავტორი). - თბილისი, ცოდნა, 1964. - 446გვ.
• სასოფლო-სამეურნეო ცხოველთა პათანატომიური გაკვეთის ტექნიკის საფუძვლები (თანაავტორი). - თბილისი, ცოდნა, 1962. - 290გვ.