შალვა მახარაძე

დაბადების ადგილი: სოფელი იანეული, ახლანდელი ჩოხატაურის მუნიციპალიტეტი.

დაამთავრა თბილისის სახელმწიფო სამედიცინო ინსტიტუტი 1944 წელს.

1944 წლიდან დაიწყო მუშაობა საევაკუაციო ჰოსპიტლის თორაკალური ქირურგიის განყოფილების ორდინატორად; 1947–1950წწ. იყო ექიმთა დახელოვნების ინსტიტუტის №2 ქირურგიული კათედრის ორდინატორი, უმცროსი მეცნიერი თანამშრომელი; 1950 წელს თიანეთის რაიონის საავადმყოფოს, 1958 წელს ქალის ფიზიოლოგიისა და პათოლოგიის სამეცნიერო-კვლევითი ინსტიტუტის ექსპერიმენტული ქირურგიის განყოფილებების გამგე; 1960 წელს კლინიკურ და ექსპერიმენტულ კარდიოლოგიის ინსტიტუტში ხელმძღვანელობდა თავისივე დაარსებულ გულ-სისხლძარღვთა ქირურგიის განყოფილებას; 1975–1990წწ. იყო საქართველოს ჯანდაცვის სამინისტროსთან არსებული IV სამმართველოს მთავარი ქირურგი, სამეცნიერო საბჭოს წევრი და სხვ. მისი სამეცნიერო ნაშრომები და გამოგონებები ეხება მედიცინის აქტუალურ საკითხებს. მიღებული აქვს სახელმწიფო ჯილდოები. მედიცინის მეცნიერებათა დოქტორი (1970), პროფესორი (1972).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 621

• ალკოჰოლიზმი და წყლულოვანი დაავადება (ავტორი). - თბილისი, 1987. - 32გვ.
• შეცდომები მწვავე მუცლის ქირურგიაში : კლინიკური ნარკვევები (ავტორი). - თბილისი, საბჭოთა საქართველო, 1987. - 130გვ.
• მიტრალური სტენოზის ქირურგიული მკურნალობა (ავტორი). - თბილისი, საბჭოთა საქართველო, 1968. - 138გვ.