ჯემალ მებონია

დაბადების ადგილი: სოფელი ობუჯი, ახლანდელი წალენჯიხის მუნიციპალიტეტი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1961 წელს.

1961–1966წწ. მუშაობდა მოსკოვის სახელმწიფო უნივერსიტეტში თეორიული ფიზიკის კათედრაზე; 1966–1986წწ. თბილისის სახელმწიფო უნივერსიტეტის ბირთვული ფიზიკის სამეცნიერო-კვლევით ლაბორატორიაში. მაღალი ენერგიების ფიზიკის ინსტიტუტად გარდაქმნის შემდეგ – ბირთვული რეაქციების ლაბორატორიის გამგედ; 1986–1995წწ. იყო თბილისის სახელმწიფო უნივერსიტეტის ფიზიკის ფაკულტეტის ზოგადი ფიზიკის კათედრის პროფესორი; 1995 წლიდან კათედრის გამგე, 1988- 2005წწ. დეკანი; 1989–2005წწ. თბილისის სახელმწიფო უნივერსიტეტის დიდი საბჭოს, პროფესორთა და სამეცნიერო ხარისხების მიმნიჭებელი სპეციალიზებული საბჭოს წევრი. მისი სამეცნიერო ინტერესები ეხებოდა მრავალნაწილაკოვანი კვანტური სისტემების თეორიას. შემუშავებული აქვს N-ნაწილაკოვანი სისტემების მიახლოებითი ამოხსნის ორიგინალური მეთოდი, კონკრეტული შედეგები მიიღო 3-ნაწილაკოვანი ატომური და ბირთვული სისტემების ამოცანებისთვის. არის სამეცნიერო ნაშრომების ავტორი. ფიზიკა-მათემატიკის მეცნიერებათა დოქტორი (1985), პროფესორი (1989). 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 646-647; თბილისის სახელმწიფო უნივერსიტეტი: tsu.ge

• ბირთვული ფიზიკა (ავტორი). - თბილისი, თბილისის უნივერსიტეტის გამომცემლობა, 2003. - 288გვ.. - ISBN: 999401370X
• ატომური ფიზიკა : ფიზიკის ფაკ-ტის სტუდ.-თვის (ავტორი). - თბილისი, თბილ. უნ-ტის გამომცემლობა, 2002. - 248გვ.. - ISBN: 9992891149