პაატა მიქაბერიძე

დაბადების ადგილი: ქ. თბილისი.

დაამთავრა ზოოვეტერინალური ინსტიტუტი ზოოინჟინრის სპეციალობით.

15 წლის ასაკში საკავშირო "იუნიორთა" ნაკრების წევრი გახდა. თბილისის დინამოს სათადარიგო გუნდში ჩარიცხეს. 1976 წელს გარკვეული პერიოდი "დინამოს" ღირსებას იცავდა. დაჯილდოებული იყო სიგელებითა და თასებით საკავშირო და საქართველოს სპორტკომიტეტების მიერ. პაატა მიქაბერიძე საქართველოს შეიარაღებულ ძალებში 1992 წლის ივნისიდან მსახურობდა. ჩარიცხული იყო განსაკუთრებული დანიშნულების ბატალიონში ქვეითთა საბრძოლო მანქანების ოცეულის მეთაურად. საქართველოს ტერიტორიული მთლიანობისთვის იბრძოდა გაგრაში, სადაც ტყვედ აიყვანეს. დაჭრილი პაატა იჯდა გუდაუთის ტყვეთა ბანაკში, ტყვეობიდან დაბრუნების შემდეგ ისევ დაბრუნდა ბატალიონში და სამაჩაბლოს ტერიტორიაზე სამშვიდობო ძალების შემადგენლობაში განაგრძო სამსახური. გარდაიცვალა აფხაზეთში მიმდინარე საომარი კონფლიქტის დროს მიღებული ჭრილობების და ტრავმების გამო. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.314-315

• მედალი "საბრძოლო დამსახურებისთვის" (გარდაცვალების შემდეგ)