გიორგი ძებისაშვილი

დაბადების ადგილი: სოფელი ლამისყანა, დუშეთის რაიონი.

დაამთავრა საქართველოს სასოფლო-სამეურნეო ინსტიტუტის სატყეო-სამეურნეო ფაკულტეტი 1967 წელს; 1973 წლიდან სწავლობდა მოსკოვის სატყეო-ტექნიკური ინსტიტუტის ასპირანტურაში. 

ინსტიტუტში სწავლის პერიოდში მუშაობდა მუშად, უფროს მუშად, უფროს ლაბორანტად, მეტყევე ტექნიკოსად ამიერკავკასიის ტყეთმომწყობ საწარმოში; 1967 წლიდან სატყეოს უფროსად, მთავარ მეტყევედ, უფროს ინჟინრად, ინჟინერ-ტაქსატორად, როგორც საქართველოში, ასევე სსრკ სატყეო მეურნეობის სისტემის სხვადასხვა ორგანიზაცია-დაწესებულებებში; ქ. მოსკოვის საკავშირო გაერთიანება "ტყეპროექტის" სამეცნიერო ნაწილში უფროს მეცნიერ-მუშაკად; 1978-1993წწ. თბილისის ტყის ინსტიტუტში უფროს მეცნიერ-მუშაკად, შემდეგ კი დააწინაურეს განყოფილების გამგედ; 1993 წლიდან, პენსიაზე გასვლამდე, მუშაობდა დახურულ სააქციო-სამეცნიერო საზოგადოება "ქართასში" გენერალურ დირექტორად; შეთავსებით მუშაობდა წამყვან მეცნიერ მუშაკად ჯერ საკავშირო სატყეო ქიმიზაციის ინსტიტუტში, შემდეგ კი საკავშირო სატყეო მეურნეობის და მექანიზაციის ინსტიტუტში. გამოქვეყნებული აქვს 65-მდე სამეცნიერო ნაშრომი. მიღებული აქვს სახელმწიფო ჯილდოები. პროფესორი. 

წყარო: ასი უბერებელი მეტყევე: ქართველ მეტყევეთა ბიოგრაფ. ცნობები/ანზორ ჩაფიძე.-თბ.,2009.-გვ.127

• 1984 - აკადემიკოს თეოფანე დავითაიას პრემია
• სსრკ სამეცნიერო-ტექნიკური საზოგადოების ფულადი პრემია
  ნაშრომისთვის "კავკასიური ფიჭვის ეტალონები"