მიხეილ ოძელაშვილი

მაიორი მიხეილ ოთარის ძე ოძელაშვილი მსახურობდა ეროვნული გვარდიის რიგებში 1992 წლის მარტიდან, ხოლო 1992 წლის სექტემბრიდან ეროვნული გვარდიის მთავარი სამმართველოს სპეციალური დანიშნულების ასეულის მეთაურის თანამდებობაზე იყო. იგი მონაწილეობდა საქართველოს ტერიტორიული მთლიანობისათვის სამაჩაბლოსა და აფხაზეთში წარმოებულ საბრძოლო მოქმედებებში. დაიღუპა საბრძოლო მოქმედებისას აფხაზეთში, 1993 წლის 23 სექტემბერს სოფელ ახალდაბასთან. სამშობლოს დაცვისა და ერთიანობისათვის ბრძოლაში გამოჩენილი გმირობისა, მამაცობისა და თავდადებისათვის საქართველოს სახელმწიფო მეთაურის 1994 წლის 23 ივნისს მიხეილ ოძელაშვილი დაჯილდოვდა ვახტანგ გორგასლის I ხარისხის ორდენით. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.347-349

• 1994 - ვახტანგ გორგასლის I ხარისხის ორდენი (გარდაცვალების შემდეგ)