ბორის ბუკია

დაბადების ადგილი: ქ. თბილისი.

დაამთავრა ამიერკავკასიის რკინიგზის საინჟინრო ინსტიტუტი 1931 წელს.

ამიერკავკასიის რკინიგზის საინჟინრო ინსტიტუტში დატოვებული იქნა ასისტენტად; მუშაობდა თბოტექნიკისა და თერმოდინამიკის კათედრის დოცენტად; 1937-1942წწ. საქართველოში პირველი თბოელექტროსადგურის მშენებლობის უფროსი და პირველი დირექტორი; 1942-1945წწ. საქართველოს სსრ კომუნალური მეურნეობის სახალხო კომისარი; 1945-1956წწ. ქუთაისის საავტომობილო ქარანის მშენებლობის ორგანიზატორი და პირველი დირექტორი; 1956-1967წწ. თბილისის ხელსაწყოთშენებლობისა და ავტომატიზაციის საშუალებათა კვლევითი ინსტიტუტის ორგანიზატორი და პირველი დირექტორი; 1945 წლის 20 ივნისს საქართველოში საავტომობილო მრეწველობის ჩამოყალიბებასთან დაკავშირებით საბჭოთა კავშირის მინისტრთა საბჭოს სახალხო კომისარიატის ბრძანებით დაინიშნა ქუთაისის საავტომობილო ქარხნის დირექტორად; არჩეული იყო საქართველოს კომპარტიის კომიტეტის წევრად, საქართველოს კპ ქუთაისისა და თბილისის საქალაქო კომიტეტის წევრად, საქართველოს სსრ უმაღლესი საბჭოს ოთხი მოწვევის დეპუტატი.

წყარო: ქუთაისის საავტომობილო ქარხნის მატიანე / ლიანა იობიძე. -თბ., 2007. - გვ.7

• 1961 - საქართველოს დამსახურებული ინჟინერი
• შრომის წითელი დროშის ორდენი (2 ორდენი)
  ხანგრძლივი და ნაყოფიერი შრომისთვის