შალვა მგელაძე

დაბადების ადგილი: ქ. ლანჩხუთი.

დაამთავრა საქართველოს სასოფლო-სამეურნეო ინსტიტუტის სატყეო-სამეურნეო ფაკულტეტი მეტყევე-ინჟინრის სპეციალობით 1955 წელს.

1955 წელს იგი განაწილებით მუშაობდა საქართველოს ტყეთმოწყობის საწარმოში ტაქსატორის თანამდებობაზე. 1966 წელს ტყეთმოწყობის პარტიის უფროსად.1970 წელს სამუშაოდ გადავიდა "საქმთავარმომარაგებაში" ხე-ტყისა და ქაღალდის წარმოების მომარაგება-გასაღების სამმართველოს ერთ-ერთი განყოფილების უფროსად, შემდგომში ამავე სამმართველოს უფროსის მოადგილის თანამდებობაზე. წლის განმავლობაში რამდენჯერმე სტუმრობდა საბჭოთა კავშირის "მომარაგება-გასაღების" საკავშირო მთავარ სამმართველოს და მისი ყოველი ვიზიტის შემდეგ რესპუბლიკაში ზედიზედ შემოდიოდა ხე-ტყით დატვირთული ეშელონები. მეტყევე-ინჟინერი, დაჯილდოებული იყო სამთავრობო ჯილდოებით და მედლებით. 

წყარო: დიდებული ადამიანები : ღირსეული ადამიანების ცხოვრება და ღვაწლი. ტ. 1 / ელგუჯა მგელაძე. -თბ., ლეთა, 2017. -გვ.236-241