სულხან სულხანიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფიის ფაკულტეტი.

1985-1987 წლებში მოიხადა სავალდებულო სამხედრო სამსახური. მან, როგორც სპორტის ოსტატობის კანდიდატმა სამთო-სათხილამურო სპორტში, საოლქო შტაბის დაცვის ბატალიონში მიიღო ლეიტენანტის წოდება. მუშაობდა საქართველოს მეცნიერებათა აკადემიის გეოლოგიის ინსტიტუტში მეცნიერ-თანამშრომლად. იყო აგრეთვე გუდაურში ჰელისკის (გაუკვალავ თოვლში სრიალის ერთ-ერთ სახეობა) ჯგუფების ინსტრუქტორი. იგი დიდ ყურადღებას აქცევდა სპორტს და სხვადასხვა შეჯიბრის მრავალგზის პრიზიორი იყო. სულხან  სულხანიშვილი 1992 წელს საქართველოს ტერიტორიული მთლიანობისათვის ბრძოლების აქტიური მონაწილე გახდა. იბრძოდა აფხაზეთში-ეშერასთან, სოხუმში. როგორც ათმეთაური იგი ყოველთვის პირველი იყო შეტევისას. ერთ-ერთ ბრძოლაში მდინარე გუმისთის ნაპირთან მას ფეხქვეშ ნაღმი აუფეთქდა, მაგრამ გადარჩა და კონტუზია მიიღო, მაინც გააგრძელა ბრძოლა. დაიღუპა "ეშერის ლაბორატორიის" მისადგომებთან ერთ-ერთი საბრძოლო შეტაკების დროს. საქართველოს ტერიტორიული მთლიანობისათვის მებრძოლი აფხაზეთში. (გუდაურში მოყვარულთა შორის გიგანტურ სლალომში სულხან სულხანიშვილის სახელობის ტურნირი "სუხია" 1993 წლიდან იმართება).

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.386-387

• ვახტანგ გორგასლის III ხარისხის ორდენი (გარდაცვალების შემდეგ)