თამაზ ტყეშელაშვილი

დაბადების ადგილი: სოფელი არჩეული, ლანჩხუთის რაიონი.

დაამთავრა პროფესიულ-ტექნიკური სასწავლებელი.

აფხაზეთში მიმდინარე საომარი კონფლიქტის დროს, ლანჩხუთის სამხედრო კომისარიატის გაწვევით ჩაირიცხა ქუთაისის 21-ე ბრიგადაში. იბრძოდა სოხუმში. მიუხედავად ბრძოლის დროს მიღებული ტრავმისა, ფრონტის ხაზი არ მიუტოვებია. 1993 წლის 2 სექტემბრიდან ითვლებოდა უგზო-უკვლოდ დაკარგულად. 2019 წლის მარტში შერიგებისა და სამოქალაქო თანასწორობის საკითხებში სახელმწიფო მინისტრის აპარატისა და წითელი ჯვრის საერთაშორისო კომიტეტის ერთობლივი ძალისხმევით, ორმხრივი, ქართულ-აფხაზური საკოორდინაციო მექანიზმის ფარგლებში მოხერხდა 1990-იანი წლების კონფლიქტის შედეგად უგზო-უკვლოდ დაკარგული თამაზ ტყეშელაშვილის ნეშტის იდენტიფიცირება. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორ. მთლიანობისათვის აფხაზეთსა და შიდა ქართლში დაღუპულ მეომართა ბიოგრაფიები. ნაწილი 1-თბ.,1996.-გვ.398; საქართველოს საზოგადოებრივი მაუწყებელი: 1tv.ge