კონსტანტინე ჩივაძე

დაბადების ადგილი: ქ. თბილისი.

ხელმძღვანელობდა თბილისში ჩამოყალიბებულ ცეკვაში დახელოვნების სკოლას, რომელიც წითელი არმიის და რუსთაველის სახ. თეატრის სცენაზე მართავდა საანგარიშო კონცერტებს. 1924-1926 წლებში ჩივაძე თბილისის ოპერისა და ბალეტის სოლისტად მუშაობს. 1927 წლიდან შეთავსებით მუშაობას იწყებს კ. ვოროშილოვის სახ. კლუბში (ამჟამ. ი. ჭავჭავაშის სახ. კლუბი). 30-იან წლებში იგი ქორეოგრაფად მუშაობდა აზერბაიჯანულ სახელმწიფო თეატრში, სადაც საინტერესო ცეკვები დადგა. ამავე დროს ხელმძღვანელობდა საქართველოს ფილარმონიის ცეკვის ანსამბლს, რომელიც წარმატებული გასტროლებით გამოდიოდა რესპუბლიკისა და საზღვარგარეთის ბევრ ქალაქში: მოსკოვში, ლენინგრადში, კიევში, ბაქოსა და დონბასში. 1956 წლიდან გარდაცვალებამდე მუშაობდა ძერჟინსკის სახ. კლუბში. მიღებული აქვს მრავალი სიგელი და მედალი.

წყარო: ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.-129-130