ბიძინა სტურუა

დაბადების ადგილი: ქ. ქუთაისი.
დაამთავრა ქუთაისის აკაკი წერეთლის სახელმწიფო უნივერსიტეტის იურიდიული ფაკულტეტი 2002 წელს; საქართველოს მეცნიერებათა აკადემიის თინათინ წერეთლის სახელობის სახელმწიფოსა და სამართლისინსტიტუტის ასპირანტურა 
2005 წელს; მიუნსტერის (გერმანია) ვესტფალური ვილჰელმის უნივერსიტეტის იურიდიული ფაკულტეტის მაგისტრატურა და მიენიჭა სამართლის მაგისტრის ხარისხი (LL.M.) 2005 წელს. 2015 წლიდან არის ივანე ჯავახიშვილის სახელობის თბილისის სახელმწიფო უნივერსიტეტის დოქტორანტი; 2018 წლის 21 ივნისი - 20 აგვისტო - გერმანიის აკადემიური გაცვლის სამსახურის (DAAD) მიერ დაფინანსდა სამეცნიერო კვლევა ფრიდრიხ შილერის სახელობის იენას (გერმანია) უნივერსიტეტის იურიდიულ ფაკულტეტზე; 2019 წლის 31 მარტი - 13 აპრილი - საერთაშორისო თანამშრომლობის გერმანული ფონდის (IRZ-Deutsche Stiftung für Internationale Rechtliche Zusammenarbeit) მიწვევით გაიარა სტაჟირება ბერლინის პირველი და მეორე ინსტანციის ადმინისტრაციულ სასამართლოში.

2001-2002წწ. წითელი ჯვრის საერთაშორისო კომიტეტის მხარდაჭერით უძღვებოდა სემინართა კურსს - "საერთაშორისო ჰუმანიტარული სამართლის დაცვის ვალდებულება შეიარაღებულ კონფლიქტებში" - საქართველოს შეიარაღებული ძალების ჯარისკაცებისა და ოფიცრებისათვის. 2004 წელს მონაწილეობა მიიღო ბერხუმში (გერმანია) გამართულ კონფერენციაში თემაზე - "რელიგიური ტოლერანტულობა თანამედროვე საზოგადოებებში"; 2004-2005 წლებში იყო გერმანიის აკადემიური გაცვლის სამსახურის (DAAD) სტიპენდიატი; 2006 წელს საქართველოს იუსტიციის უმაღლეს სკოლაში გაიარა მოსამართლის თანაშემწის სამთვიანი სასწავლო კურსი და ჩააბარა საკვალიფიკაციო გამოცდა; 2009 წელს ჩააბარა მოსამართლეობის საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციით; 2006-2010წწ. მუშაობდა ქუთაისის სამართლისა და ეკონომიკის უნივერსიტეტში ასოცირებულ პროფესორად; 2010 წლის სექტემბრიდან 2011 წლის სექტემბრამდე იყო იუსტიციის უმაღლესი სკოლის მსმენელი; 2012-2013წწ. კითხულობდა ლექციების კურსს ბათუმის შოთა რუსთაველის სახელმწიფო უნივერსიტეტში; 2006 წელს ქუთაისის სააპელაციო სასამართლოს სტაჟიორი; 2006-2010წწ. იყო ქუთაისის სააპელაციო სასამართლოს სამოქალაქო საქმეთა პალატის მოსამართლის თანაშემწე; 2011 წელს ხელვაჩაურის რაიონული სასამართლოს მოსამართლე; 2012-2018წწ. ოზურგეთის რაიონული სასამართლოს მოსამართლე, ამავე სასამართლოს თავმჯდომარე; 2019 წლის 18 სექტემბრიდან თბილისის საქალაქო სასამართლოს სამოქალაქო საქმეთა კოლეგიის მოსამართლე; 2019 წლის 2 დეკემბრიდან თბილისის საქალაქო სასამართლოში ასრულებდა სამოქალაქო საქმეთა კოლეგიის თავმჯდომარის უფლებამოსილებას; 2019 წლის 23 დეკემბრიდან 2019 წლის 27 დეკემბრამდე მცხეთის რაიონული სასამართლოს სამოქალაქო საქმეთა კოლეგიის მოსამართლე; 2019 წლის 27 დეკემბრიდან 2021 წლის 12 ივლისამდე მცხეთის რაიონული სასამართლოს ადმინისტრაციულ საქმეთა კოლეგიის მოსამართლე, ამავე სასამართლოს თავმჯდომარე; 2021 წლის 12 ივლისს არჩეულია საქართველოს უზენაესი სასამართლოს მოსამართლედ უვადოდ ორგანული კანონით დადგენილი ასაკის მიღწევამდე.

წყარო: საქართველოს უზენაესი საქართველი: supremecourt.ge